Jos Buttler : జోస్ బ‌ట్ల‌ర్ సెంచ‌రీ మిస్

Jos Butler : రాజ‌స్థాన్ లోని జైపూర్ స‌వాయ్ మాన్ సింగ్ స్టేడియం వేదికగా జ‌రిగిన కీల‌క లీగ్ మ్యాచ్ లో దుమ్ము రేపాడు జోస్ బ‌ట్ల‌ర్. కేర‌ళ స్టార్ సంజూ శాంస‌న్ టాస్ గెలిచి ముందుగా బ్యాటింగ్ ఎంచుకున్నాడు. నిర్ణీత 20 ఓవ‌ర్ల‌లో 2 వికెట్లు కోల్పోయి 214 ర‌న్స్ చేసింది రాజ‌స్థాన్ రాయ‌ల్స్.

ఓపెన‌ర్లు య‌శ‌స్వి జైస్వాల్ , జోస్ బ‌ట్ల‌ర్(Jos Buttler ) ఆకాశ‌మే హ‌ద్దుగా చెల‌రేగారు. ప‌వ‌ర్ ప్లే లో ప‌రుగుల వ‌ర‌ద పారించారు. జైస్వాల్ 35 ర‌న్స్ చేశాక వెనుదిరిగాడు. అనంత‌రం మైదానంలోకి వ‌చ్చిన సంజూ శాంస‌న్ ఇన్నింగ్స్ ను చ‌క్క‌దిద్దే ప‌నిలో ప‌డ్డాడు. బ‌ట్ల‌ర్ తో క‌లిసి 183 ప‌రుగుల భాగ‌స్వామ్యాన్ని నెల‌కొల్పారు.

స‌న్ రైజ‌ర్స్ హైద‌రాబాద్ బౌల‌ర్ల‌కు చుక్క‌లు చూపించారు ఇద్ద‌రూ . ఓ వైపు సంజూ శాంస‌న్ మ‌రో వైపు జాస్ బట్ల‌ర్ ఆకాశ‌మే హ‌ద్దుగా చెల‌రేగారు. ఫోర్లు, సిక్స‌ర్ల వ‌ర్షం కురిపించారు. మైదానం న‌లువైపులా క‌ళ్లు చెదిరే షాట్స్ తో ఆక‌ట్టుకున్నారు. ఇంకా రెండు ఓవ‌ర్లు మిగిలి ఉండ‌గా భారీ షాట్ కు ప్ర‌య‌త్నించి బీట్ అయ్యాడు బ‌ట్ల‌ర్.

గ‌త కొన్ని మ్యాచ్ ల‌లో పేల‌వ‌మైన ప్ర‌ద‌ర్శ‌నతో ఇబ్బందులు ప‌డిన బ‌ట్ల‌ర్(Jos Buttler) ఒక్క‌సారిగా ఫామ్ లోకి వ‌చ్చాడు. విధ్వంస‌క‌ర ఇన్నింగ్స్ తో ముగించాడు. కానీ కేవ‌లం 5 ప‌రుగుల దూరంలో సెంచ‌రీ మిస్ అయ్యాడు. 95 ప‌రుగులు చేశాడు జోస్ . 10 ఫోర్లు 4 సిక్స‌ర్లు కొట్టాడు.

Also Read : కైల్ మేయ‌ర్స్ అదుర్స్