Rahul Priyanka : రాహుల్..ప్రియాంక‌కు గ్రాండ్ వెల్ క‌మ్
క‌ర్ణాట‌క ప్ర‌మాణ స్వీకారానికి హాజ‌రు
Rahul Priyanka : క‌ర్ణాట‌క‌లో భారీ మెజారిటీ సాధించిన కాంగ్రెస్ పార్టీ శ‌నివారం బెంగ‌ళూరులోని కంఠీరవ మైదానంలో నూత‌న ప్ర‌భుత్వ ఏర్పాటుకు సంబంధించి ప్ర‌మాణ స్వీకారం చేయ‌నుంది. ఇప్ప‌టికే క‌ర్ణాట‌క ప్ర‌దేశ్ కాంగ్రెస్ క‌మిటీ చీఫ్ డీకే శివ‌కుమార్ ఆధ్వ‌ర్యంలో భారీ ఏర్పాట్లు చేశారు.
మొత్తం 224 అసెంబ్లీ స్థానాల‌కు గాను బీజేపీ 65 సీట్ల‌తో స‌రిపెట్టుకుంటే కాంగ్రెస్ పార్టీ 136 సీట్లు చేజిక్కించుకుని అతి పెద్ద పార్టీగా అవ‌త‌రించింది. ఇక చ‌క్రం తిప్పుతాన‌ని భావించిన జేడీఎస్ చీఫ్, మాజీ సీఎం హెచ్ డీ కుమార స్వామి పార్టీ 19 సీట్ల‌తో ప‌రిమిత‌మైంది. న‌లుగురు స్వ‌తంత్ర అభ్య‌ర్థులు గెలుపొందారు. వారు కూడా కాంగ్రెస్ పార్టీకి మ‌ద్ద‌తు ఇస్తున్న‌ట్లు ప్ర‌క‌టించారు.
ఇక కొత్త కేబినెట్ కు సంబంధించి ఏఐసీసీ క‌స‌ర‌త్తు పూర్తి చేసింది. సీఎంగా సిద్ద‌రామ‌య్య, డిప్యూటీ సీఎంగా డీకే శివ‌కుమార్ తో పాటు ఎనిమిది మందికి కేబినెట్ లో చోటు క‌ల్పించింది. కులాల వారీగా కూర్పు చేసింది. ఈ విష‌యాన్ని ఏఐసీసీ ప్ర‌క‌టించింది. ఇవాళ ప్ర‌మాణ స్వీకారోత్స‌వ కార్య‌క్ర‌మానికి ముఖ్య అతిథులుగా ఏఐసీసీ మాజీ చీఫ్ రాహుల్ గాంధీ, ఆ పార్టీ ప్ర‌ధాన కార్య‌ద‌ర్శి ప్రియాంక గాంధీ విచ్చేశారు. ఎయిర్ పోర్ట్ లో డీకే శివ‌కుమార్ వారికి(Rahul Priyanka) సాద‌ర స్వాగ‌తం ప‌లికారు.
Also Read : KTR