Adipurush Record : ఆది పురుష్ వ‌సూళ్ల‌లో అదుర్స్
ఇప్ప‌టికే రూ. 400 కోట్లు పూర్తి
Adipurush Record : ఓం రౌత్ ద‌ర్శ‌క‌త్వంలో డార్లింగ్ ప్ర‌భాస్ , అందాల ముద్దు గుమ్మ కృతీ స‌న‌న్ క‌లిసి న‌టించిన ఆది పురుష్ ఆరంభంలో వివాదాల‌కు దారి తీసినా చివ‌ర‌కు వ‌సూళ్ల‌లో మాత్రం దుమ్ము రేపుతోంది. 2023లో విడుద‌లైన చిత్రాల‌లో అతి కొద్ది రోజుల్లోనే రూ. 400 కోట్లను క్రాస్ చేసి విస్తు పోయేలా చేసింది. బాలీవుడ్ బాద్ షా షారుఖ్ ఖాన్ , ల‌వ్లీ గ‌ర్ల్ దీపికా ప‌దుకొనే క‌లిసి న‌టించిన ప‌ఠాన్ వ‌సూళ్ల‌లో టాప్ లో నిలిచింది. ప‌ఠాన్ చిత్రాన్ని క్రాస్ చేసింది. బ‌య్య‌ర్ల‌కు పంట పండేలా చేసింది. దీనికి ఒక ర‌కంగా బీజేపీ , దాని అనుబంధ సంస్థ‌లు కూడా దోహ‌దం చేశాయ‌ని చెప్ప‌క త‌ప్ప‌దు.
ఇదిలా ఉండ‌గా ఆది పురుష్ ప్ర‌ముఖ ఇతిహాసంగా పేరు పొందిన రామాయ‌ణం లోని కొంత భాగాన్ని తీసుకుని ద‌ర్శ‌కుడు ఓం రౌత్ తీశాడు. ఇక సినిమాకు సంబంధించి ఒకట‌వ వారం రూ. 370.15 కోట్లు కొల్ల‌గొట్టింది. ఇక 2వ వారంలో 1వ రోజు రూ. 7.86 కోట్లు, 2వ రోజు రూ. 8.53 కోట్లు , 3వ రోజు రూ. 10.65 కోట్లు, 4వ రోజు రూ. 3.24 కోట్లు వ‌సూలు సాధించింది. మొత్తంగా రూ. 400.43 కోట్లు సాధించి చ‌రిత్ర సృష్టించింది.
ఇదిలా ఉండ‌గా డార్లింగ్ ప్ర‌భాస్ సినీ కెరీర్ లో రూ. 400 కోట్ల మార్క్ ను దాటిన 4వ చిత్రంగా ఆది పురుష్(Adipurush) సినిమా నిలిచింది. అంత‌కు ముందు ఎస్ఎస్ రాజ‌మౌలి తీసిన బాహు బ‌లి, సాహు , బాహుబలి-2 చిత్రాలు ఉన్నాయి. మొత్తంగా ఆది పురుష్ -2 కూడా వ‌స్తుంద‌ని ప్ర‌చారం జ‌రిగింది. కానీ దానికి ప్ర‌భాస్ ఒప్పుకోలేద‌ని టాక్.
Also Read : Ram Charan Watch : చెర్రీ వాచ్ ధ‌ర చాలా కాస్ట్ లీ గురూ