Faf Du Plessis : ధోనీ లివింగ్ లెజెండ్ – డుప్లెసిస్

Faf Du Plessis  : ద‌క్షిణాఫ్రికా స్టార్ ప్లేయ‌ర్ , ఆర్సీబీ జ‌ట్టుకు కొత్త‌గా కెప్టెన్ గా నియ‌మితులైన డుప్లెసిస్(Faf Du Plessis ) ఆస‌క్తిక‌ర వ్యాఖ్య‌లు చేశారు. అనుకోని రీతిలో ఉన్న‌ట్టుండి చెన్నై సూప‌ర్ కింగ్స్ కు రాజీనామా చేస్తున్న‌ట్లు ప్ర‌క‌టించాడు జార్ఖండ్ డైన‌మిట్ మ‌హేంద్ర సింగ్ ధోనీ.

ఈ త‌రుణంలో ఆయ‌న నాయ‌క‌త్వంలో ఆడిన డుప్లెసిస్ (Faf Du Plessis )స్టార్ ప్లేయ‌ర్ సంచ‌ల‌న కామెంట్ చేశారు. ధోనీ మామూలోడు కాద‌ని అద్భుత‌మైన నాయ‌కుడ‌ని కొనియాడారు.

దుబాయి వేదిక‌గా గ‌త ఏడాది జ‌రిగిన ఐపీఎల్ టైటిల్ ను చెన్నై సూప‌ర్ కింగ్స్ చేజిక్కించుకుంది. ఈ విజ‌యంలో కీల‌క భూమిక పోషించాడు డుప్లెసిస్. కెప్టెన్ గా తాను త‌ప్పుకుంటున్న‌ట్లు చేసిన ప్ర‌క‌ట‌న కోట్లాది మంది ఫ్యాన్స్ ఆవేద‌న చెందుతున్నారు.

బ్యాట‌ర్ గా , కెప్టెన్ గా , వికెట్ కీప‌ర్ గా త‌న‌ను తాను ప్రూవ్ చేసుకున్నాడు. చెన్నై సూప‌ర్ కింగ్స్ కు టైటిళ్లు తీసుకు రావ‌డం లో ముఖ్య భూమిక పోషించాడు ఎంఎస్ ధోనీ.

ఆర్సీబీ జ‌ట్టుకు విరాట్ కోహ్లీ రాజీనామా చేయ‌డంతో జ‌ట్టు యాజ‌మాన్యం డుప్లెసిస్ కు కెప్టెన్ గా అవ‌కాశం ఇచ్చింది. ఇదిలా ఉండ‌గా ధోనీని ఆకాశానికి ఎత్తేశాడు.

ధోనీ నాయ‌క‌త్వంలో చాలా కాలం పాటు ఆడ‌డం తాను అదృష్టంగా భావిస్తున్నాన‌ని పేర్కొన్నాడు. వ్యూహాలు, ఆలోచ‌న‌లు భిన్నంగా ఉంటాయ‌న్నాడు.

ఇదిలా ఉండ‌గా ఈనెల 27న ముంబై లోని డీవై పాటిల్ స్టేడియంలో పంజాబ్ కింగ్స్ జ‌ట్టుతో ఆర్సీబీ త‌న మొద‌టి మ్యాచ్ ఆడ‌నుంది. కాగా ఐపీఎల్ లో ఆర్సీబీని విజ‌య ప‌థంలో న‌డిపిస్తాడా అన్న‌ది వేచి చూడాలి.

Also Read : పంజాబ్ కింగ్స్ ఐపీఎల్ గెల‌వ‌డం క‌ష్టం