ఆట‌కు అందానికి చాలా అవినాభావ సంబంధం ఉంటుంది. అందుకే క్రీడా, సినీ రంగాల‌కు చెందిన వారు చెట్దా ప‌ట్టాలు వేసుకోవ‌డం, పెళ్లి దాకా వెళ్ల‌డం స‌ర్వ సాధార‌ణంగా మారింది. ప్ర‌పంచంలో క్రీడాకారుల‌కు అది ఏ రంగానికి చెందిన వారైనా స‌రే విప‌రీత‌మైన ఫ్యాన్ ఫాలోయింగ్ ఉంటుంది.

అందుకే దిగ్గ‌జ కంపెనీల‌న్నీ వాళ్ల‌పై ఫోక‌స్ పెడ‌తాయి. అడిగినంత మేర ఖ‌ర్చు చేసేందుకు వెనుకాడ‌వు. ఇక క్రికెట్ ప‌రంగా చూస్తే ఏ ముహూర్తాన ల‌లిత్ మోదీ ఇండియ‌న్ ప్రిమీయ‌ర్ లీగ్ (ఐపీఎల్ )ను స్టార్ట్ చేశాడో కానీ ఈ ఫార్మాట్ తో నిర్వ‌హించే టోర్నీకి ప్ర‌పంచ వ్యాప్తంగా ఎన‌లేని ఆద‌ర‌ణ నెల‌కొంది.

ఈ రిచ్ మెగా లీగ్ పై ఎన్నో కంపెనీలు క‌న్నేశాయి. ఇక ఇందులో ఆడే ఆట‌గాళ్ల గురించి ప్ర‌త్యేకంగా చెప్పాల్సిన అవ‌స‌రం లేదు. ఇక ఆయా ఫ్రాంచైజీల‌కు సంబంధించి సినీ న‌టులు ఉన్నారు. కానీ ఏ రంగానికి చెంద‌ని కేవలం వ్యాపార రంగం నుంచి మాత్ర‌మే వ‌చ్చిన క‌ళానిధి మార‌న్ కూతురు కావ్య మార‌న్ ఇప్పుడు దేశ వ్యాప్తంగా సెంట‌ర్ ఆఫ్ అట్రాక్ష‌న్ గా మారారు.