LSG vs SRH IPL 2023 : ల‌క్నో నిలిచేనా హైద‌రాబాద్ గెలిచేనా

LSG vs SRH IPL 2023 : 16వ ఐపీఎల్ లీగ్ లో కీల‌క‌మైన మ్యాచ్ ఆడేందుకు సిద్ద‌మ‌య్యాయి కేఎల్ రాహుల్ సార‌థ్యంలోని ల‌క్నో సూప‌ర్ జెయింట్స్ , భువ‌నేశ్వ‌ర్ కుమార్ నేతృత్వంలోని స‌న్ రైజ‌ర్స్ హైద‌రాబాద్(LSG vs SRH IPL 2023). ఇప్ప‌టి వ‌ర‌కు లీగ్ లో భాగంగా ల‌క్నో రెండు మ్యాచ్ లు ఆడ‌గా ఇందులో ఒక‌టి గెలిచి మ‌రొక‌టి ఓడి పోయింది. ఇక స‌న్ రైజ‌ర్స్ హైద‌రాబాద్ సంజూ శాంస‌న్ సార‌థ్యంలోని రాజ‌స్థాన్ రాయ‌ల్స్ చేతిలో ఓట‌మి పాలైంది. తాజాగా ల‌క్నో వేదిక‌గా ల‌క్నో, హైద‌రాబాద్ జ‌ట్లు త‌ల‌ప‌డ‌నున్నాయి.

హైద‌రాబాద్ బౌలింగ్ ప‌రంగా పేల‌వంగా క‌నిపిస్తోంది. బ్యాటింగ్ విభాగంలో కూడా స‌త్తా చాట‌లేక పోయారు. 204 ప‌రుగుల భారీ ల‌క్ష్యాన్ని ఛేదించ‌లేక 131 ప‌రుగ‌ల‌కే చ‌తికిల ప‌డింది హైద‌రాబాద్. ల‌క్నో సూప‌ర్ జెయింట్స్ ను ఎదుర్కొనేందుకు స‌న్ రైజ‌ర్స్ ముందుగా అటు బ్యాటింగ్ ఇటు బౌలింగ్ ను మెరుగు ప‌ర్చుకోవాల్సిన అవ‌స‌రం ఉంది. శుక్ర‌వారం ల‌క్నోలోని భార‌త ర‌త్న అటల్ బిహారీ వాజ్ పేయి ఏక‌నా క్రికెట్ స్టేడియంలో ఆడ‌నున్నాయి ఇరు జ‌ట్లు.

ఇదిలా ఉండ‌గా కేఎల్ రాహుల్ సేన త‌మ చివ‌రి మ్యాచ్ లో బోల్తా ప‌డింది. మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ చేతిలో 12 ర‌న్స్ తేడాతో ప‌రాజ‌యం మూట‌గ‌ట్టుకుంది. మొత్తంగా ఇరు జ‌ట్ల‌కు ఇప్పుడు జీవ‌న్మ‌ర‌ణ స‌మ‌స్య‌గా మారింది.

Also Read : హైద‌రాబాద్ గెలిచేనా ‘కావ్య’ న‌వ్వేనా