Muralidhar Rao KCR : కేసీఆర్ ద‌మ్మున్నోడు ఓడించ‌లేం

Muralidhar Rao KCR : తెలంగాణ‌లో భార‌తీయ జ‌న‌తా పార్టీ చేతులు ఎత్తేసిందా. అవున‌నే అంటున్నారు ఆ పార్టీకి చెందిన సీనియ‌ర్ నేత ముర‌ళీధ‌ర్ రావు. ఓ వైపు ప్ర‌ధాన మంత్రి మోదీ, కేంద్ర హోం శాఖ మంత్రి అమిత్ చంద్ర షా కేసీఆర్ పై కారాలు మిరియాలు నూరుతున్నారు. ఇక మాజీ బీజేపీ స్టేట్ చీఫ్ బండి సంజ‌య్ కుమార్ ప‌టేల్ అయితే త్వ‌ర‌లోనే జైలుకు పోవ‌డం ఖాయ‌మ‌ని ప్ర‌గ‌ల్భాలు ప‌లికారు. చివ‌ర‌కు త‌న ప‌ద‌వినే పోగొట్టుకున్నారు.

Muralidhar Rao KCR Words

ఆయ‌న స్థానంలో సాఫ్ట్ కార్న‌ర్ గా పేరు పొందిన గంగాపురం కిష‌న్ రెడ్డిని తీసుకు వ‌చ్చింది. ఇక నిన్న‌టి దాకా పొడుస్తాం..తామే రాష్ట్రంలో బీఆర్ఎస్ కు, కేసీఆర్ ప్ర‌త్యామ్నాయం అని పలికిన కాషాయ నేత‌లు స్వ‌రం మార్చారు. ఇప్పుడు దూకుడు త‌గ్గించారు.

తాజాగా బీజేపీకి చెందిన సీనియ‌ర్ నాయ‌కుడు ముర‌ళీధ‌ర్ రావు(Muralidhar Rao) సంచ‌ల‌న వ్యాఖ్య‌లు చేశారు తెలంగాణ సీఎం కేసీఆర్ పై. ఇప్ప‌ట్లో ఏ పార్టీ వ‌ల్ల కేసీఆర్ ను ఓడించ‌డం సాధ్యం కాద‌ని పేర్కొన్నారు. బీజేపీ తోనే కాదు ఇంకే పార్టీ కూడా త‌ట్టుకోలేని స్థితికి త‌న పార్టీని చేర్చాడ‌ని కితాబు ఇచ్చారు.

దీంతో ఆయ‌న చేసిన వ్యాఖ్య‌లు క‌ల‌క‌లం రేపుతున్నాయి. మ‌రో వైపు రాష్ట్రంలో ప్ర‌జ‌లు మాత్రం బీఆర్ఎస్, బీజేపీ రెండూ ఒక్క‌టేన‌ని ఆరోపిస్తున్నాయి. అదే న‌మ్ముతున్నాయి. ముర‌ళీధ‌ర్ రావు చేసిన వ్యాఖ్య‌లు ఇందుకు నిద‌ర్శ‌నంగా మారాయ‌ని పేర్కొంటున్నాయి. సంక్షేమ ప‌థ‌కాల‌లో కేసీఆర్ ను కొట్ట‌లేమ‌న్నారు.

Also Read : Kaushik Hari Joins : బీజేపీకి గుడ్ బై బీఆర్ఎస్ కు జై