Salaar Teaser : స‌లార్ టీజ‌ర్ సెన్సేష‌న్
ప్ర‌శాంత్ నీల్ మ్యాజిక్
Salaar Teaser : డైనమిక్ డైరెక్ట‌ర్ ప్ర‌శాంత్ నీల్ ద‌ర్శ‌క‌త్వంలో పాన్ ఇండియా స్టార్ డార్లింగ్ ప్ర‌భాస్ న‌టించిన స‌లార్ మూవీ టీజ‌ర్ గురువారం విడుద‌లైంది. మూవీ మేక‌ర్స్ ఇప్ప‌టికే ప్ర‌క‌టించ‌డంతో ప్ర‌పంచ వ్యాప్తంగా డార్లింగ్ ఫ్యాన్స్ ఎంతో ఉత్కంఠ‌కు లోన‌య్యారు. ప్ర‌భాస్ అభిమానుల‌కు మ‌రింత కిక్ ఎక్కించేలా తీశాడు డైరెక్ట‌ర్. త‌న ద‌ర్శ‌క‌త్వంలో వ‌చ్చిన కేజీఎఫ్ ను మించి యాక్ష‌న్స్ సీన్స్ ఉండేలా జాగ్ర‌త్త‌ప‌డ్డాడు. ఈ చిత్రంపై భారీ అంచ‌నాలు ఉన్నాయి. ఇప్ప‌టికే ప్ర‌భాస్ న‌టించిన ఆది పురుష్ కు మిశ్ర‌మ స్పంద‌న వ‌చ్చింది.
ద‌మ్మున్న ద‌ర్శ‌కుడి ప‌నిత‌నం ఎలా ఉంటుందో స‌లార్ టీజ‌ర్(Salaar Teaser) లోనే చూపించాడు ప్ర‌శాంత్ నీల్. టేకింగ్, మేకింగ్ లో త‌న‌దైన ముద్ర క‌న‌బ‌ర్చాడు మ‌రోసారి. ఈ చిత్రాన్ని సెప్టెంబ‌ర్ 28న ప్ర‌పంచ వ్యాప్తంగా విడుద‌ల చేయ‌నున్న‌ట్లు ఇప్ప‌టికే ప్ర‌క‌టించారు మూవీ మేక‌ర్స్. భారీ తారాగ‌ణంతో పాటు భారీ బ‌డ్జెట్ కూడా ఉండ‌డం ఈ సినిమా ప్ర‌త్యేక‌త.
శ‌క్తివంత‌మైన స్టిల్స్ , ఆక‌ట్టుకునే యాక్ష‌న్ స‌లార్ ప్ర‌త్యేక‌త. ఇవాళ తెల్ల వారు జామున 5.12 గంట‌ల‌కు సినిమా టీజ‌ర్ ను విడుద‌ల చేశారు. రిలీజ్ అయిన క్ష‌ణాల్లోనే భారీ ఎత్తున ఆద‌రించారు స‌లార్ ను. ప్ర‌భాస్ లుక్స్ నుంచి యాక్ష‌న్ సీక్వెన్స్ దాకా అన్ని వ‌ర్గాల వారిని ఆక‌ట్టుకునేలా తీయ‌డంలో స‌క్సెస్ అయ్యాడు ఫిల్మ్ మేక‌ర్ ప్ర‌శాంత్ నీల్.
Also Read : Dattatreya Eatala : ఈటెల..జితేంద‌ర్ ను క‌లిపిన ద‌త్త‌న్న