Shardul Thakur KKR : మెరిసిన శార్దూల్ మురిసిన కోల్ క‌తా

Shardul Thakur KKR : ఐపీఎల్ లీగ్ లో ముంబై ఇండియ‌న్స్ ను ఓడించి ఊపు మీదున్న రాయ‌ల్ ఛాలెంజ‌ర్స్ బెంగ‌ళూరుకు కోలుకోలోని రీతిలో షాక్ ఇచ్చింది కోల్ క‌తా నైట్ రైడ‌ర్స్. 81 ప‌రుగుల తేడాతో ఓట‌మి పాలైంది. కోల్ కతా బౌల‌ర్ల దెబ్బ‌కు బెంగ‌ళూరు బ్యాట‌ర్లు చేతులెత్తేశారు. మ్యాచ్ లో భాగంగా ముందుగా బ్యాటింగ్ చేసిన కేకేఆర్ నిర్ణీత 20 ఓవ‌ర్ల‌లో 7 వికెట్లు కోల్పోయి 204 ప‌రుగుల భారీ స్కోర్ చేసింది.

ప్ర‌ధానంగా కోల్ క‌తా బ్యాట‌ర్ శార్దూల్ ఠాకూర్(Shardul Thakur KKR) దుమ్ము రేపాడు. బెంగ‌ళూరు బౌల‌ర్ల‌కు చుక్క‌లు చూపించాడు. ఒకానొక ద‌శ‌లో కేకేఆర్ ప‌రిస్థితి దారుణంగా ఉంది. 5 వికెట్లు కోల్పోయి 89 ప‌రుగుల‌తో ఉన్న స‌మ‌యంలో మైదానంలోకి వ‌చ్చాడు ఠాకూర్. విధ్వంస‌క‌ర‌మైన ఇన్నింగ్స్ ఆడాడు. వ‌చ్చీ రావ‌డంతోనే బాదుడు మొద‌లు పెట్టాడు.

కేవ‌లం 29 బంతులు మాత్ర‌మే ఎదుర్కొన్న శార్దూల్ ఠాకూర్ 68 ప‌రుగులు చేశాడు. 7వ స్థానంలో వ‌చ్చిన శార్దూల్ కేవ‌లం 20 బాల్స్ ఎదుర్కొని అత్యంత వేగ‌వంత‌మైన హాఫ్ సెంచ‌రీ పూర్తి చేశాడు. మ‌రో వైపు రింకు సింగ్ 33 బంతుల్లో 46 ర‌న్స్ చేశాడు. శార్దూల్ రింకూ సింగ్ క‌లిసి 47 బంతుల్లో 103 ర‌న్స్ చేశారు.

త‌న అద్భుత‌మైన బ్యాటింగ్ తో భారీ స్కోర్ సాధించ‌డంలో కీల‌క పాత్ర పోషించాడు శార్దూల్ ఠాకూర్(Shardul Thakur). కోల్ క‌తా నైట్ రైడ‌ర్స్ గెలుపొంద‌డంలో స‌త్తా చాటినిందుకు ఠాకూర్ కు మ్యాన్ ఆఫ్ ది మ్యాచ్ అవార్డు ద‌క్కింది.

Also Read : తిప్పేసిన వ‌రుణ్ చ‌క్ర‌వ‌ర్తి