Tirumala Hundi : శ్రీ‌వారి హుండీ ఆదాయం రూ. 4.13 కోట్లు
స్వామి వారిని ద‌ర్శించుకున్న భ‌క్తులు 68,558
Tirumala Hundi : తిరుమ‌ల – కోరిన కోర్కెలు తీర్చే కొంగు బంగారంగా భావిస్తారు కోట్లాది మంది భ‌క్తులు శ్రీనివాసుడిని. రోజు రోజుకు భ‌క్తుల సంఖ్య పెరుగుతోంది. భారీ ఎత్తున త‌ర‌లి వ‌స్తున్న భ‌క్త బాంధ‌వుల‌కు ఎలాంటి ఇబ్బందులు లేకుండా ఉండేలా చ‌ర్య‌లు చేప‌ట్టింది తిరుమ‌ల తిరుప‌తి దేవ‌స్థానం (టీటీడీ).
Tirumala Hundi Updates
తిరుమ‌ల‌లో కొలువుతీరిన శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌ల‌ను 68 వేల 558 మంది భ‌క్తులు ద‌ర్శించుకున్నారు. స్వామి వారికి 29 వేల 508 మంది భ‌క్తులు త‌ల‌నీలాలు స‌మ‌ర్పించుకున్నారు. ఇక శ్రీ‌నివాసుడికి నిత్యం భ‌క్తులు స‌మ‌ర్పించే కానుక‌లు, విరాళాల రూపేణా శ్రీ‌వారి హుండీ ఆదాయం రూ. 4.13 కోట్లు వ‌చ్చిన‌ట్లు టీటీడీ స్ప‌ష్టం చేసింది.
ఇదిలా ఉండ‌గా తిరుమ‌ల లోని 31 కంపార్ట్ మెంట్ల‌లో భ‌క్తులు స్వామి వారి ద‌ర్శ‌నం కోసం వేచి ఉన్నారు. ఇక ఎలాంటి టోకెన్లు లేకుండా ఉన్న భ‌క్తుల‌కు సంబంధించి స‌ర్వ ద‌ర్శ‌నం కోసం 12 గంట‌ల‌కు పైగా ప‌డుతుంద‌ని తిరుమ‌ల తిరుప‌తి దేవ‌స్థానం(TTD) వెల్ల‌డించింది.
మ‌రో వైపు శ్రీ‌వారి మెట్లు, అలిపిరి మెట్లు ద్వారా న‌డిచి వ‌చ్చే భ‌క్తుల భ‌ద్ర‌త‌కు చ‌ర్య‌లు చేప‌ట్టిన‌ట్లు టీటీడీ తెలిపింది. ఈ మేర‌కు ప్ర‌తి ఒక్క భ‌క్తుడికి చేతి క‌ర్ర‌లు ఇస్తున్న‌ట్లు పేర్కొంది.
Also Read : K Atchannaidu : విరాళం ఇస్తే అవినీతి సొమ్మంటే ఎలా