Chandrababu Naidu : టీడీపీ మంగళగిరి కార్యాలయంలో క్యాడర్ కి ఫలితాలపై దిశానిర్దేశం చేసిన బాబు

Chandrababu Naidu : మాజీ ముఖ్యమంత్రి నారా చంద్రబాబు నాయుడు సోమవారం మంగళగిరిలోని తెలుగుదేశం పార్టీ కేంద్ర కార్యాలయానికి వచ్చారు. ప్రధాన కార్యాలయానికి చేరుకున్న చంద్రబాబుకు పోలీసులు స్వాగతం పలికారు. జై చంద్రబాబు… సీఎం చంద్రబాబు(Chandrababu Naidu) అంటూ టీడీపీ శ్రేణులు పెద్దఎత్తున నినాదాలు చేశారు. సందర్శకులు, పార్టీ నాయకులు, కార్యకర్తలతో టీడీపీ కేంద్ర కార్యాలయం సందడిగా మారింది. త్వరలో టీడీపీ కీలక నేతలతో చంద్రబాబు భేటీ కానున్నట్లు సమాచారం. ఓట్ల లెక్కింపునకు మరికొద్ది గంటలే సమయం ఉండడంతో కూటమి పార్టీ నేతలు అలర్ట్ అయ్యారు.

Chandrababu Naidu…

మే 13న సార్వత్రిక ఎన్నికల పోలింగ్ జరగ్గా.. రేపు (మంగళవారం) ఫలితాలు వెలువడనున్న సంగతి తెలిసిందే. ఈ నేపథ్యంలో రేపటి ఫలితాల కోసం టీడీపీ కీలక నేతలకు చంద్రబాబు పలు సూచనలు, సలహాలు ఇచ్చే అవకాశం ఉంది. అభ్యర్థులు, ఏజెంట్లకు తీసుకోవాల్సిన జాగ్రత్తలపై సమాచారం అందించినట్లు తెలుస్తోంది. ఏపీలో అత్యధికంగా ఎన్డీయే కూటమిదే విజయమని ఎన్నికల సర్వేలు ప్రకటించిన సంగతి తెలిసిందే. దీంతో కూటమి నేతలు సంతోషం వ్యక్తం చేస్తున్నారు. అయితే పోస్టల్ ఓట్లలో వైసీపీ సహకారం అంతా ఇంతా కాదు. ఈ విషయంలో టీడీపీ చాలా జాగ్రత్తలు తీసుకుంది.

Also Read : Minister Ponguleti : ప్రజలు అడిగిన న్యాయమైన కోరికలు తీరుస్తాను