Jawan Music Rights : రూ. 36 కోట్ల‌కు జ‌వాన్ మ్యూజిక్ రైట్స్

Jawan Music Rights : బాలీవుడ్ బాద్ షా షారుఖ్ ఖాన్, న‌య‌న‌తార క‌లిసి న‌టించిన జ‌వాన్ మూవీ విడుద‌ల‌కు సిద్దంగా ఉంది. త‌మిళ సినీ దిగ్గ‌జ ద‌ర్శ‌కుడు అట్లీ డైరెక్ష‌న్ లో తీసిన ఈ సినిమా ఆడియో రైట్స్ ను ప్ర‌ముఖ ఆడియో, నిర్మాణ సంస్థ టీ సీరీస్ కైవ‌సం చేసుకుంది. ఏకంగా రూ. 36 కోట్ల‌కు చేజిక్కించుకుంది. ఇది ఓ రికార్డు. ఇంకా సినిమా విడుద‌ల కాక ముందే జ‌వాన్ మూవీ రైట్స్ ద‌క్కించుకునేందుకు ప‌లు సంస్థ‌లు పోటీ ప‌డ్డాయి. చివ‌ర‌కు టి- సీరీస్ ప‌ర‌మైంది.

ఇప్ప‌టికే ఈ సినిమాపై భారీ అంచ‌నాలు ఉన్నాయి. భారీ బ‌డ్జెట్ తో సినిమా తీశాడు అట్లీ. ప్ర‌త్యేకించి ఈ తమిళ ద‌ర్శ‌కుడి టాలెంట్ డిఫ‌రెంట్. టేకింగ్, మేకింగ్ లో త‌న‌దైన ప్ర‌త్యేక‌త క‌లిగి ఉండ‌డం అస్సెట్. యాక్ష‌న్ , సెంటిమెంట్స్ ప్రాతిప‌దిక‌న జ‌వాన్(Jawan) ను తీశాడు అట్లీ. ఇప్ప‌టికే రిలీజ్ చేసిన పోస్ట‌ర్స్ , టీజ‌ర్స్, ట్రైల‌ర్ దుమ్ము రేపుతోంది. సోష‌ల్ మీడియాను షేక్ చేస్తోంది. జ‌వాన్ చిత్రాన్ని షారుఖ్ ఖాన్ భార్య గౌరీ ఖాన్ నిర్మించారు.

ఇందులో బాద్ షా తో పాటు విజ‌య్ సేతుప‌తి, న‌య‌న‌తార న‌టించ‌గా జికె విష్ణు సినిమాటోగ్ర‌ఫి అందించారు. రెడ్ చిల్లీస్ ఎంట‌ర్ టైన్మెంట్ , ఏఏ ఫిల్మ్స్ ద్వారా పంపిణీ చేస్తున్నారు. సెప్టెంబ‌ర్ 7న ప్ర‌పంచ వ్యాప్తంగా జ‌వాన్ మూవీని విడుద‌ల చేయాల‌ని మూవీ మేక‌ర్స్ నిర్ణ‌యించారు.

Also Read : Pawan Kalyan : శ్రీ‌వారి నిధులపై అన్నీ అబ‌ద్దాలే