Ukraine Medical Students : ఉక్రెయిన్ మెడికల్ విద్యార్థులకు కేంద్రం గుడ్ న్యూస్
Ukraine Medical Students : ఉక్రెయిన్ నుంచి వచ్చిన మెడికోలుకు కేంద్రం గుడ్ న్యూస్ చెప్పింది. భారత్‌లో ఎంబీబీఎస్ ఫైనల్ పరీక్షలు రాసేందుకు అనుమతి ఇవ్వడానికి సుముఖత వ్యక్తం చేసింది. ఏడాదిలో ప్రాక్టికల్, థియరీ పరీక్షలు పాస్ కావాలని స్పష్టం చేసింది. ఈ మేరకు సుప్రీంకోర్టులో కేంద్రం అఫిడవిట్ దాఖలు చేసింది.
ఉక్రెయిన్ నుంచి భారత్‌కు తిరిగి వచ్చిన విద్యార్థులు ప్రస్తుతం ఉన్న ఏ మెడికల్ కాలేజీల్లో నమోదు చేసుకోకుండానే పార్ట్ I , పార్ట్ II ఎంబీబీఎస్ ఫైనల్ పరీక్షలను క్లియర్ చేయడానికి ఒకే అవకాశం ఇవ్వబడుతుందని కేంద్రం సుప్రీంకోర్టుకు తెలియజేసింది. దాదాపు 18,000 మంది విద్యార్థులు యుక్రెయిన్‌లో యుద్ధానికి గురైన ఉక్రెయిన్(Ukraine Medical Students) నుండి భారతదేశానికి తిరిగి వచ్చారు. చాలామంది తమ సొంత దేశంలో తమ వైద్య డిగ్రీని పూర్తి చేయడానికి మార్గాలను అన్వేషిస్తున్నారు.
కేంద్రం దాఖలు చేసిన అఫిడవిట్ ప్రకారం.. ఈ రెండు పరీక్షలను క్లియర్ చేసిన తర్వాత, విద్యార్థులు రెండు సంవత్సరాల తప్పనిసరి రోటేటరీ ఇంటర్న్‌షిప్‌ను పూర్తి చేయాలి. మొదటి సంవత్సరం ఉచితం. రెండవ సంవత్సరం డబ్బు చెల్లించాలి. మునుపటి కేసులకు నేషనల్ మెడికల్ కమిషన్ నిర్ణయించినట్లుగా ఇది ఉంటుంది.
విద్యార్థుల(Students) ఆందోళనలను పరిష్కరించేందుకు కేంద్రం ఏర్పాటు చేసిన కమిటీ ఈ నిర్ణయం తీసుకుంది. ఇది ఖచ్చితంగా వన్-టైమ్ ఆప్షన్ అని, భవిష్యత్తులో ఇలాంటి నిర్ణయాలకు ఇది ప్రాతిపదిక కాబోదని కమిటీ స్పష్టం చేసింది. ఈ పథకం ప్రస్తుత విషయాలకు మాత్రమే వర్తిస్తుంది.
Also Read : జమ్మూ కశ్మీర్‌లో పెట్టుబడులు పెట్టండి.. అమిత్ షా పిలుపు