Sukumar : సుకుమార్ కు అక్ష‌య్ ఆఫ‌ర్
నిజ‌మేన‌న్న క్రియేటివ్ డైరెక్ట‌ర్
Sukumar : తెలుగు సినిమా రంగంలో ప‌ని రాక్ష‌సుడిగా పేరున్న డైరెక్ట‌ర్ సుకుమార్ (Sukumar) గురించి ఎంత చెప్పినా త‌క్కువే. సినిమా తీసేందుకు కాస్తా టైం ఎక్కువ తీసుకుంటాడ‌ని పేరున్న‌ప్ప‌టికీ తాను అనుకున్న‌ది వ‌చ్చేంత దాకా ఊరుకోడు అన్న‌ది ఇండ‌స్ట్రీలో టాక్.
స్వ‌త‌హాగా క‌వి, ర‌చ‌యిత, అధ్యాప‌కుడు, భావుకుడు కావ‌డంతో ఆయ‌న తీసే సినిమాల్లో కాస్త పోయెటిక్ లుక్ ఉంటుంది. త‌ను ఎంచుకునే పాత్ర‌లు, తీసుకునే క‌థాంశం డిఫ‌రెంట్ గా ఉంటుంది.
తాజాగా చాలా గ్యాప్ త‌ర్వాత ఐకాన్ స్టార్ అల్లు అర్జున్ తో తీసిన పుష్ప రాజ్ అలియాస్ పుష్ప మూవీ బ్లాక్ బ‌స్ట‌ర్ గా నిలిచింది. ఊహించ‌ని స్థాయిలో క‌రోనా కాలంలోనూ భారీ ఎత్తున వ‌సూళ్ల‌ను సాధించింది.
తెలుగు, త‌మిళం, క‌న్న‌డ, మ‌ల‌యాళం, హిందీ భాష‌ల్లో పుష్ప‌ను రిలీజ్ చేశారు. ప్ర‌పంచ వ్యాప్తంగా 3 వేల థియేట‌ర్ల‌లో పుష్ప‌ను రిలీజ్ చేశారు. సుకుమార్ మార్క్ దెబ్బ‌కు బాక్సులు బ‌ద్ద‌ల‌వుతున్నాయి.
ప్ర‌ధానంగా బాలీవుడ్ అత‌డి మూవీ టేకింగ్ ను చూసి విస్తు పోయింది. భారీ ఆఫ‌ర్లు కూడా వ‌స్తున్నాయ‌ని టాక్. ఆర్య, ఆర్య2 తో బ‌న్నీకి హిట్ ఇచ్చిన సుక్కు ఇప్పుడు పుష్ప‌తో ఇర‌గ‌దీశాడు.
పాన్ ఇండియా హిట్ అందించాడు. సోష‌ల్ మీడియాను పుష్ప షేక్ చేస్తోంది. డీఎస్పీ ఇచ్చిన మ్యూజిక్ మ్యాజిక్ చేసింది. పాట‌లు దుమ్ము రేపుతున్నాయి. మిలియ‌న్ల కొద్దీ వ్యూస్ వ‌స్తున్నాయి.
ప్ర‌స్తుతం పుష్ప మేనియా బాలీవుడ్ ను షేక్ చేస్తోంది. తాజాగా సుకుమార్(Sukumar) సంచ‌ల‌న ప్ర‌క‌ట‌న చేశాడు. బాలీవుడ్ లో త్వ‌ర‌లోనే ఎంట్రీ ఇవ్వ‌నున్న‌ట్లు తెలిపాడు.
ఓ సినిమా షూటింగ్ లో ఉండ‌గా అక్ష‌య్ కుమార్ నుంచి ఫోన్ వ‌చ్చింది. నీతో క‌లిసి ప‌ని చేయాల‌ని ఉంద‌ని కోరాడ‌ని పేర్కొన్నాడు.
Also Read : ముద్దులు లేకుంటే మూవీస్ ఆడ‌వా