AAP MCD Viral : బీజేపీకి షాక్ ‘ఆప్’ వైరల్
జెండాను ఊడ్చేసిన మ‌హిళ
AAP MCD Viral : ఎంతో ఉత్కంఠ రేపిన ఢిల్లీ న‌గ‌ర పాల‌క సంస్థ ఎన్నిక‌లు ముగిశాయి. ఒక ర‌కంగా సార్వ‌త్రిక ఎన్నిక‌ల‌ను త‌ల‌పింప చేశాయి. నువ్వా నేనా అన్న రీతిలో సాగాయి.
గ‌త 15 ఏళ్లుగా ఢిల్లీ న‌గ‌రాన్ని త‌న గుప్పిట ఉంచుకున్న భార‌తీయ జ‌న‌తా పార్టీకి ఢిల్లీలో కొలువు తీరిన అర‌వింద్ కేజ్రీవాల్ సారథ్యంలోని ఆమ్ ఆద్మీ పార్టీ కోలుకోలేని షాక్ ఇచ్చింది. ఒక ర‌కంగా ప్ర‌ధాని న‌రేంద్ర మోదీ, ట్ర‌బుల్ షూట‌ర్ అమిత్ చంద్ర షా, బీజేపీ చీఫ్ జేపీ న‌డ్డా త్ర‌యానికి ఇది ఓ గున‌పాఠం అని చెప్ప‌క త‌ప్ప‌దు.
సుదీర్ఘ కాలం త‌ర్వాత ఢిల్లీ బ‌ల్దియా ఎన్నిక‌లు జ‌రిగాయి. అంత‌కు ముందు ఢిల్లీ లిక్క‌ర్ స్కాం కేసు. ఆపై మంత్రి స‌త్యేంద్ర జైన్ అరెస్ట్. ఆయ‌న జైలులో జ‌ల్సాల‌కు సంబంధించిన వీడియో, ఫోటోలు వైరల్(AAP MCD Viral) అయ్యాయి.
ఇదే స‌మ‌యంలో మ‌ద్యం పాల‌సీకి సంబంధించి ఢిల్లీ డిప్యూటీ సీఎం మ‌నీష్ సిసోడియాతో పాటు మ‌రో 14 మందిపై సీబీఐ ఛార్జిషీట్ న‌మోదు చేయ‌డం. ఇది ప‌క్క‌న పెడితే బీజేపీ పెద్ద ఎత్తున ప్ర‌చారం చేసింది.
త‌న యంత్రాంగాన్ని మొత్తం మోహ‌రించింది. ఓ వైపు కేంద్రంలో కాషాయ స‌ర్కార్. త‌న‌కు సంబంధించిన లెఫ్టినెంట్ గ‌వ‌ర్న‌ర్ , ఆపై ఢిల్లీ న‌గ‌రం. అన్నింటిని అడ్డం పెట్టుకుని ఎన్నో ఇబ్బందుల‌కు గురి చేసినా చివ‌ర‌కు ఆప్ త‌న జెండాను ఎగుర వేసింది.
ఒక ర‌కంగా ఆప్ డ‌బుల్ ఇంజ‌న్ స‌ర్కార్ ఇక నుంచి మొద‌లైన‌ట్టేన‌ని భావించ‌క త‌ప్ప‌దు. ఇదిలా ఉండగా మొత్తం 250 సీట్ల‌కు గాను ఆప్ 134 సీట్లు కైవ‌సం చేసుకుంటే బీజేపీ 104 సీట్ల‌కే ప‌రిమిత‌మైంది.
ఇదిలా ఉండగా ఢిల్లీలో బీజేపీ జెండాను పారిశుద్ధ్య సిబ్బందికి చెందిన ఓ మ‌హిళ చెత్త‌లో ఊడ్చి వేయ‌డం వైరల్ గా మారింది. ప్ర‌స్తుతం ఇందుకు సంబంధించిన వీడియోను ఆప్ షేర్ చేసింది. ప్ర‌స్తుతం ఇది వైరల్ గా మారింది.
Also Read : గౌత‌మ్ గంభీర్ ఇలాఖాలో బీజేపీ హ‌వా
दिल्लीवालों ने कचरे (भाजपा) पर झाड़ू चला दी 🔥#MCDMeinBhiKejriwal pic.twitter.com/cKws2mQW9h
— AAP (@AamAadmiParty) December 7, 2022