Adipurush Movie : ఆదిపురుష్ చిత్రంపై ఉత్కంఠ
జూన్ 16న విడుద‌ల కానున్న చిత్రం
Adipurush Movie : ఓం రౌత్ ద‌ర్శ‌క‌త్వం వ‌హించిన ఆదిపురుష్ చిత్రం జూన్ 16న శుక్ర‌వారం దేశ వ్యాప్తంగా విడుద‌ల కానుంది. ఇప్ప‌టికే బుకింగ్స్ కూడా భారీ ఎత్తున పూర్త‌యిన‌ట్లు స‌మాచారం. ఇందులో పాన్ ఇండియా హీరో ప్ర‌భాస్ తో పాటు అందాల ముద్దుగుమ్మ కృతీ స‌న‌న్ న‌టించారు. రాఘ‌వ్ పాత్ర‌లో ప్ర‌భాస్ , జాన‌కి పాత్ర‌లో స‌న‌న్ ఒదిగి పోయారు. ఇప్ప‌టికే భారీ ఎత్తున ఈ సినిమాపై అంచ‌నాలు ఉన్నాయి.
డార్లింగ్ ప్ర‌భాస్ ఫ్యాన్స్ ఎంతో ఉత్కంఠ‌తో ఎదురు చూస్తున్నారు. ఇక ఓవ‌ర్సీస్ లో కూడా భారీ ఎత్తున ఆద‌రిస్తున్నారు ఆదిపురుష్ చిత్రాన్ని. ప్ర‌పంచ వ్యాప్తంగా విడుద‌ల‌య్యే ఈ మూవీ గురించి పాజిటివ్ టాక్ రావ‌డం విశేషం. ఇక ఆదిపురుష్ ప్రీమియ‌ర్లు, మార్నింగ్ షోలు ఈ రాత్రికి ప్రారంభం అవుతాయి. తెలుగు రాష్ట్రాల‌తో పాటు విదేశాల్లో కూడా టికెట్లు హాట్ కేకుల్లా అమ్ముడు పోతున్న‌ట్లు జోరుగా ప్ర‌చారం జ‌రుగుతోంది.
ప్ర‌భాస్ కు ఉన్న భారీ ఫ్యాన్ ఫాలోయింగ్ , ఆదిపురుష్(Adipurush) కు సంబంధించిన తారా గ‌ణం ఆది పురుష్ ను బిగ్ హిట్ చేసేలా క‌నిపిస్తోంది. ఇక ఈ చిత్రం బాక్సాఫీస్ వ‌ద్ద ఓపెనింగ్ రోజుకు రూ. 30 కోట్ల‌కు పైగా వ‌సూలు చేసే ఛాన్స్ ఉందంటున్నాయి సినీ వ‌ర్గాలు. పెద్ద ఎత్తున ప్ర‌చారం చేప‌ట్టారు మూవీ మేక‌ర్స్. సినిమా క‌లెక్ష‌న్లు అంచ‌నా వేసిన లెక్క‌ల కంటే ఇంకా ఎక్కువ‌గానే రావ‌చ్చ‌ని టాక్. ఇదిలా ఉండగా ద‌ర్శ‌కుడు ఓం రౌత్ , కృతీ స‌న‌న్ కు తిరుమ‌ల సాక్షిగా ముద్దు పెట్ట‌డం ఒకింత సినిమా వ‌ర‌కు ఇబ్బందిగా అనిపించింది.
Also Read : CM Siddaramaiah : అన్న‌భాగ్య‌కు కేంద్రం అడ్డుపుల్ల – సీఎం