Akhanda Movie : ఓటీటీలో అఖండ అదుర్స్

Akhanda Movie  : డైన‌మిక్ డైరెక్ట‌ర్ బోయ‌పాటి శ్రీ‌ను ద‌ర్శ‌క‌త్వంలో న‌ట సింహం నంద‌మూరి బాల‌కృష్ణ‌, ప్ర‌గ్యా జైశ్వాల్ ప్ర‌ధాన తారాగ‌ణంతో తెర‌కెక్కిన చిత్రం అఖండ‌. ఈ మూవీ గ‌త ఏడాది డిసెంబ‌ర్ 2న భారీ అంచ‌నాల మ‌ధ్య విడుద‌లైంది.

ఎవ‌రూ ఊహించ‌ని రీతిలో జ‌నాద‌ర‌ణ పొందింది. అంతే కాదు బాల‌య్య బాబు సినీ కెరీర్ లో ఈ అఖండ మూవీ(Akhanda Movie )బిగ్గెస్ట్ హిట్ గా నిలిచింది. తెలంగాణ‌కు చెందిన మిర్యాల ర‌వీంద‌ర్ రెడ్డి ఈ మూవీని నిర్మించారు.

క‌రోనా క‌ష్ట కాలంలో సైతం ప్ర‌పంచ వ్యాప్తంగా భారీ వ‌సూళ్ల‌ను రాబ‌ట్టింది. రూ. 152 కోట్ల గ్రాస్ , 90 కోట్ల‌కు పైగా షేర్ వ‌సూలు చేసి విస్తు పోయేలా చేసింది. మొత్తంగా రూ. 200 కోట్ల‌కు పైగా వ‌సూళ్లు రావ‌డంతో చిత్ర బృందం ఇటీవ‌ల 50 రోజుల పండ‌గ చేసుకుంది.

ఈ మేర‌కు చిత్ర బృందంతో క‌లిసి బాల‌య్య బాబు కేక్ క‌ట్ చేశారు. ఆయ‌న సినిమాలే కాదు హోస్ట్ గా కూడా బుల్లి తెర మీద రాణిస్తున్నారు. అన్ స్టాప‌బుల్ పేరుతో ఆహాలో వ‌స్తున్న ప్రోగ్రాం టాప్ లో నిలిచింది.

తాజాగా అఖండ మూవీని ఓటీటీ ప్లాట్ ఫారమ్ స్ట్రీమ్ అయ్యింది. అక్క‌డ కూడా అఖండ చిత్రం (Akhanda Movie )దుమ్ము రేపింది. చ‌రిత్ర సృష్టించింది. జ‌న‌వ‌రి 21 నుంచి ఓటీటీ డిస్నీ ప్ల‌స్ హాట్ స్టార్ లో స్ట్రీమింగ్ అవుతోంది.

తొలి రోజు లోనే ఏకంగా 10 ల‌క్ష‌ల మంది అఖండ చిత్రాన్ని వీక్షించిన‌ట్లు టాలీవుడ్ లో టాక్. అనుకోకుండా థియేట‌ర్ల‌కు వెళ్ల లేక పోయిన వారంతా ఓటీటీని ఆశ్ర‌యించ‌డం,

దాని రేటింగ్ కూడా పెర‌గ‌డంతో బాల‌య్య ఫ్యాన్స్ పండ‌గ చేసుకుంటున్నారట‌. ఇక అఖండ‌కు ఎస్ఎస్ థ‌మ‌న్ అందించిన బ్యాక్ గ్రౌండ్ మ్యూజిక్ హాట్ టాపిక్ గా మారింది.

Also Read : ప్రియాంక జోనాస్ ఖుష్ క‌బ‌ర్