Ambati Rambabu Slams : బాబు బతుకంతా అబ‌ద్దాల‌మ‌యం
నిప్పులు చెరిగిన మంత్రి అంబ‌టి
Ambati Rambabu Slams : ఏపీ మంత్రి అంబ‌టి రాంబాబు నిప్పులు చెరిగారు. టీడీపీ చీఫ్ చంద్ర‌బాబు నాయుడిపై తీవ్ర స్థాయిలో ఆరోప‌ణ‌లు చేశారు. విజ‌య‌వాడ క్యాంపు ఆఫీసులో మంత్రి శ‌నివారం మీడియాతో మాట్లాడారు. రాష్ట్రానికి శ‌ని లాగా దాపురించాడ‌ని అన్నారు. నీటి పారుద‌ల‌పై అన్నీ అబ‌ద్దాలు త‌ప్ప ఒక్క‌టి కూడా నిజం లేద‌న్నారు. పోల‌వ‌రం ప‌నుల్లో అంతులేని అవినీతికి పాల్ప‌డ్డాడ‌ని అందుకే డయాఫ్రం వాల్ కొట్టుకు పోయింద‌న్నారు అంబ‌టి రాంబాబు.
Ambati Rambabu Slams To TDP Chief
విభ‌జ‌న హామీల్లో పోల‌వ‌రం ప్రాజెక్టును కేంద్ర స‌ర్కారే పూర్తి చేస్తాన‌ని హామీ ఇచ్చింద‌న్నారు. బాబు బతుకంతా అబ‌ద్దాల‌తో కూడుకుని ఉన్న‌ద‌ని మండిప‌డ్డారు మంత్రి(Ambati Rambabu Slams). టీడీపీ చీఫ్ అంత గొప్ప న‌టుడిని తాను ఇంత వ‌ర‌కు చూడ‌లేద‌న్నారు. సినిమాల్లో ఎన్టీఆర్ ను చూశాం..కానీ పాలిటిక్స్ లో మాత్రం బాబును మించినోడు లేడంటూ ఎద్దేవా చేశారు.
రూ. 400 కోట్ల‌తో నిర్మించిన డయాఫ్రం వాల్ ఎందుకు కొట్టుకు పోయిందో ప్ర‌జ‌ల‌కు చెప్పాల‌న్నారు. కేవ‌లం కాంట్రాక్ట‌ర్ల‌కు దోచి పెట్టావంటూ మండిప‌డ్డారు. క‌మీష‌న్ల కోసం క‌క్కుర్తి ప‌డ్డాడ‌ని, అందుకే విదేశీ కంపెనీకి కాంట్రాక్టు ద‌క్కేలా చేశాడ‌ని ఆరోపించారు అంబ‌టి రాంబాబు. ప్ర‌చార ఆర్భాటం త‌ప్ప చంద్ర‌బాబు నాయుడికి ఏదీ చేత కాద‌న్నారు మంత్రి.
Also Read : Trivikram Srinivas Bro : థ‌మ‌న్ సూప‌ర్ బ్రో – త్రివిక్ర‌మ్