Anurag Thakur : దేశాభివృద్దిలో యువ‌త కీల‌కం – ఠాకూర్
కేంద్ర మంత్రి అనురాగ్ కామెంట్స్
Anurag Thakur : ప్ర‌స్తుతం భార‌త్ వైపు ప్ర‌పంచం చూస్తోంద‌ని , దీనికి కార‌ణం బ‌ల‌మైన యువ‌త క‌లిగి ఉండ‌డ‌మేన‌ని పేర్కొన్నారు కేంద్ర క్రీడా , ప్ర‌సార శాఖ మంత్రి అనురాగ్ ఠాకూర్. ఇంపాక్ట్ యూత్ కాన్ క్లేవ్ నిర్వ‌హించారు. ఈ కార్య‌క్ర‌మానికి ముఖ్య అతిథిగా కేంద్ర మంత్రి హాజ‌రై ప్రసంగించారు. దేశ అభివృద్దిలో యువ‌త అత్యంత కీల‌క‌మైన పాత్ర పోషిస్తోంద‌న్నారు.
Anurag Thakur Words About Young People
యువ‌త త‌లుచుకుంటే సాధించ‌లేనిది అంటూ ఏదీ లేద‌న్నారు అనురాగ్ ఠాకూర్(Anurag Thakur). అన్ని రంగాల‌లో యువ‌త అద్భుతంగా రాణిస్తోంద‌న్నారు. ప్ర‌త్యేకించి ఐటీ, లాజిస్టిక్, స్టార్ట‌ప్ , క్రీడా రంగాల‌లో త‌మ‌దైన ముద్ర వేస్తున్నారు. ఇది కేవ‌లం కేంద్రంలో కొలువు తీరిన మోదీ స‌ర్కార్ అందిస్తున్న ప్రోత్సాహం వ‌ల్ల‌నే సాధ్య‌మైంద‌ని చెప్పారు అనురాగ్ ఠాకూర్.
ఇవాళ యువ‌త‌తో సంభాషించ‌డం త‌న‌కు ఎంతో సంతోషం క‌లిగించింద‌న్నారు. తాను కూడా యువ‌కుడిగా ఉన్న స‌మ‌యంలో నిబ‌ద్ద‌త‌తో ప‌ని చేశాన‌ని అన్నారు. సామాజిక సేవ అన్న‌ది యువ‌త జీవితంలో ఒక భాగంగా చేసుకోవాల‌ని సూచించారు కేంద్ర క్రీడా శాఖ మంత్రి.
యువ‌తే ఈ దేశానికి దిశా నిర్దేశం చేసే స్థాయికి చేరుకుంటుంద‌న్న న‌మ్మ‌కం త‌న‌కు ఉంద‌న్నారు. యువ‌త ఇత‌ర అంశాల‌పై ఫోక‌స్ పెట్ట‌కుండా జాతి నిర్మాణంలో పాలు పంచుకునేలా, త‌మ వంతు కృషి ఉండేలా చూడాల‌ని సూచించారు అనురాగ్ ఠాకూర్.
Also Read : Yashasvi Jaiswal : చెల‌రేగిన య‌శ‌స్వి జైస్వాల్