Pendyala Srinivas : బాబూ..పెండ్యాల శ్రీ‌నివాస్ ఎక్క‌డ
నిల‌దీసిన వైఎస్సార్సీపీ
Pendyala Srinivas : ఆంధ్ర‌ప్ర‌దేశ్ – ఏపీ స్కిల్ డెవ‌ల‌ప్మెంట్ స్కీం స్కామ్ కేసు దేశ వ్యాప్తంగా సంచ‌ల‌నం సృష్టించింది. ఈ కేసులో కీల‌క‌మైన పాత్ర పోషించినట్లుగా ఏపీ సీఐడీ మాజీ సీఎం నారా చంద్ర‌బాబు నాయుడుతో పాటు మ‌రికొంద‌రిని నిందితులుగా చేర్చింది.
Pendyala Srinivas Viral
ఇప్ప‌టికే ఈ కేసుకు సంబంధించి చంద్ర‌బాబుకు ఏసీబీ కోర్టు 14 రోజుల రిమాండ్ విధించింది. గ‌తంలో సీఎంగా ఉన్న స‌మ‌యంలో వ్య‌క్తిగ‌త కార్య‌ద‌ర్శిగా పెండ్యాల శ్రీ‌నివాస్ ప‌ని చేశారు. ఈ మొత్తం స్కీం స్కామ్ తో పాటు రూ. 2 వేల కోట్ల అవినీతి కుంభ‌కోణంలో కూడా కీల‌కంగా ఉన్నాడ‌ని ఆరోపించింది సీఐడీ.
తెలివిగా చంద్ర‌బాబు నాయుడు పెండ్యాల శ్రీ‌నివాస్ ను దేశం దాటించాడ‌ని ఆరోపించింది. ఇదే విష‌యాన్ని ఏపీ అధికార పార్టీ వైఎస్సార్సీపీ(YSRCP) ట్విట్ట‌ర్ వేదిక‌గా ఇవాళ ప్ర‌శ్నించింది. బాబు ల‌క్ష‌ల కోట్ల అవినీతి సామ్రాజ్యాన్ని అన్నీ తానై క‌థ న‌డిపించాడ‌ని ఆరోపించింది.
అత‌డిపై ఈడీ, ఏసీబీ కేసు న‌మోదు చేసింది. కానీ రాకుండా త‌ప్పించుకుని తిరుగుతున్నాడంటూ పేర్కొంది. ఏపీ స్కిల్ స్కామ్ కేసులో ఏ1 గా పేర్కొంది ఏపీ సీఐడీ. దీనిపై ఎందుకు టీడీపీ మాట్లాడ‌టం లేదంటూ ప్ర‌శ్నించింది.
Also Read : RK Roja Selvamani : గంగ‌మ్మ త‌ల్లికి రోజా సారె స‌మ‌ర్ప‌ణ