Asaduddin Owaisi : దొర‌ను గెలిపిస్తే బెట‌ర్ – ఓవైసీ
కాంగ్రెస్ పార్టీ వ‌స్తే క‌ష్ట‌మే
Asaduddin Owaisi : హైద‌రాబాద్ – ఎంఐఎం చీఫ్, హైద‌రాబాద్ ఎంపీ అస‌దుద్దీన్ ఓవైసీ సంచ‌ల‌న వ్యాఖ్య‌లు చేశారు. ఆయ‌న బేష‌ర‌తుగా బీఆర్ఎస్ కు మ‌ద్ద‌తు ప్ర‌క‌టించారు. ఇందులో భాగంగా మీట్ ది ప్రెస్ లో ఓవైసీ మాట్లాడారు. కాంగ్రెస్ పార్టీకి రాష్ట్రంలో గెలిచే సీన్ లేద‌న్నారు. వాళ్లు బలుపు చూసుకుని వాపు అనుకుంటున్నారంటూ ఎద్దేవా చేశారు. బ‌రా బ‌ర్ మూడోసారి సీఎం కేసీఆర్ కావ‌డం ఖాయ‌మ‌ని జోష్యం చెప్పారు. దేశంలో ఎక్క‌డా లేని రీతిలో సంక్షేమ ప‌థ‌కాలు అమ‌లు చేస్తున్న ఘ‌న‌త బీఆర్ఎస్ స‌ర్కార్ కే ఉంద‌న్నారు.
Asaduddin Owaisi Comments Viral
గ‌తంలో కంటే ఇప్పుడు హైద‌రాబాద్ అద్భుతంగా అభివృద్ది చెందుతోంద‌న్నారు. ఇప్ప‌టికే ఐటీ ప‌రంగా భారీ ఎత్తున కొలువులు వ‌చ్చాయ‌ని తెలిపారు. కాంగ్రెస్ పార్టీ చేస్తున్న ప్ర‌చారాన్ని న‌మ్మ వ‌ద్ద‌న్నారు. క‌ర్ణాట‌క‌లో ఇచ్చిన హామీల‌ను అమ‌లు చేయ‌లేని వాళ్లు ఇక్క‌డ వ‌స్తే ఎలా చేస్తారంటూ ప్రశ్నించారు అస‌దుద్దీన్ ఓవైసీ.
ఇక్క‌డ ఆరు గ్యారెంటీల పేరుతో మ‌రోసారి మోసం చేసేందుకు వ‌చ్చారంటూ ఎద్దేవా చేశారు. అయినా ప్ర‌జ‌లు న‌మ్మే స్థితిలో లేర‌న్నారు ఎంఐఎం చీఫ్(Asaduddin Owaisi). ఇవాళ సీఎం కేసీఆర్ వ‌చ్చాక తెలంగాణ అన్ని రంగాల‌లో అభివృద్ది చెందింద‌ని అన్నారు. మ‌రోసారి దొర‌ను గెలిపిస్తే ప్ర‌తి ఒక్క‌రికి మేలు జ‌రుగుతుంద‌ని స్ప‌ష్టం చేశారు అస‌దుద్దీన్ ఓవైసీ.
Also Read : Mallikarjun Kharge : ఫామ్ హౌస్ సీఎంను సాగ‌నంపండి