Bandi Sanjay : హుజారాబాద్ రిజ‌ల్ట్ మునుగోడులో రిపీట్
బండి సంజ‌య్ సంచ‌ల‌న కామెంట్స్
Bandi Sanjay : బీజేపీ స్టేట్ చీఫ్ బండి సంజ‌య్ కుమార్ ప‌టేల్ షాకింగ్ కామెంట్స్ చేశారు. హుజూరాబాద్ ఉప ఎన్నిక‌ల్లో ఎలాంటి ఫ‌లితం వ‌చ్చిందే అదే రిజ‌ల్ట్ మునుగోడులో కూడా రిపీట్ అవుతుంద‌న్నారు.
ఇక అధికారంలో ఉన్న టీఆర్ఎస్ ఎన్ని నోట్లు పంచినా లేదా అధికార దుర్వినియోగం చేసినా గెల‌వ బోయేది తామేన‌న్నారు. ఇక కోమ‌టిరెడ్డి బ్ర‌ద‌ర్స్ ఇద్ద‌రికీ న‌ల్ల‌గొండ జిల్లాలో మంచి ప‌ట్టుంద‌న్నారు.
వారు గ‌త కొంత కాలం నుంచీ బీజేపీ చేస్తున్న అభివృద్ధి ప‌నుల‌ను, అమ‌లు చేస్తున్న కార్య‌క్ర‌మాల‌ను , మొత్తంగా పాల‌న‌ను ప్ర‌శంసిస్తూ వ‌చ్చార‌ని చెప్పారు. ప్ర‌జా సంగ్రామ యాత్ర సంద‌ర్భంగా భువ‌న‌గిరిలో గురువారం బండి సంజ‌య్(Bandi Sanjay) మాట్లాడారు.
ఇక తెలంగాణ రాష్ట్రంలో వ‌చ్చే ఎన్నిక‌ల నాటికి మ‌రికొన్ని ఉప ఎన్నిక‌లు అనివార్యంగా రాబోతున్నాయ‌ని ఆస‌క్తిక‌ర వ్యాఖ్య‌లు చేశారు. చీకోటి ప్ర‌వీణ్ వ్య‌వ‌హారంలో కేసీఆర్ ఫ్యామిలీ పాత్ర ఉంద‌న్నారు.
ఆయుష్మాన్ భార‌త్ లో జ‌ర్న‌లిస్టుల‌ను చేరుస్తామ‌న్నారు. ఇక రాబోయే రోజుల్లో తెలంగాణ‌లో వ‌చ్చే స‌ర్కార్ బీజేపీనేన‌ని జోష్యం చెప్పారు. ప్ర‌తి పాత్రికేయుడికి రైల్వే పాసులు, ఇళ్లు ఇస్తామ‌న్నారు.
జ‌ర్న‌లిస్టుల‌ను త‌ప్ప‌కుండా ఆదుకుంటామ‌న్నారు. కోరి తెచ్చుకున్న తెలంగాణ నేరాల‌కు అడ్డాగా మారింద‌ని ఆవేద‌న వ్య‌క్తం చేశారు. న‌యీమ్ ను చంపారు..మ‌రి స్వాధీనం చేసుకున్న డైరీ, డ‌బ్బులు ఎక్క‌డికి పోయిన‌వ‌ని ప్ర‌శ్నించారు బీజేపీ స్టేట్ చీఫ్.
రాబోయే ఎన్నిక‌లు వ‌చ్చేంత దాకా ఈ ప్ర‌జా సంగ్రామ యాత్రం నిరంత‌రం కొన‌సాగుతూ ఉంటుంద‌న్నారు బండి సంజ‌య్. ప్ర‌జ‌లు ఎదుర్కొంటున్న స‌మ‌స్య‌ల‌ను తెలుసు కుంటామ‌ని వాటిని మేనిఫెస్టోలో చేరుస్తామ‌న్నారు.
Also Read : హైద‌రాబాద్ లో నిఘా నేత్రం ప్రారంభం