Bhagwant Mann : ఆప్ హామీ ఇస్తుంది నెర‌వేరుస్తుంది

Bhagwant Mann : పంజాబ్ సీఎం భ‌గ‌వంత్ మాన్ కీల‌క వ్యాఖ్య‌లు చేశారు. శ‌నివారం ఛ‌త్తీస్ గ‌ఢ్ లో జ‌రిగిన ఆప్ స‌భ‌లో ప్ర‌సంగించారు. ఎన్నిక‌ల ముందు చాలా పార్టీలు మేనిఫెస్టోలు త‌యారు చేస్తాయి. ఒక పార్టీ ల‌క్ష జాబ్స్ ఇస్తాన‌ని ప్ర‌క‌టిస్తుంది. ఇంకో పార్టీ 2 ల‌క్ష‌లు ఇస్తానంటూ ప్ర‌గ‌ల్భాలు ప‌లుకుతుంది. ఒక 5 కేజీల బియ్యం ఇస్తామంటారు. కానీ ఆమ్ ఆద్మీ పార్టీ ఎలాంటి మేనిఫెస్టోలు ఇవ్వ‌దు. కేవ‌లం హామీలు ఇస్తుంది. ప్ర‌జ‌ల సాక్షిగా ఇచ్చిన హామీల‌ను త‌ప్ప‌కుండా నెర‌వేరుస్తుంద‌న్నారు భ‌గ‌వంత్ మాన్.

Bhagwant Mann Praises AAP Party

ఆప్ విద్యాంతుల‌, సామాజిక చింత‌నా ప‌రుల‌తో కూడిన పార్టీ. దీని వెనుక ఎలాంటి కార్పొరేట్ శ‌క్తులు, సంస్థ‌లు లేవు. ఉన్న‌దంతా ప్ర‌జ‌లేన‌ని అన్నారు సీఎం(Bhagwant Mann). తాము ఎవ‌రినీ విమ‌ర్శించ‌డం లేద‌న్నారు. కేవ‌లం ప్ర‌జ‌ల‌కు మేలు చేకూర్చేలా , అత్యంత సౌక‌ర్య‌వంత‌మైన పాల‌న అంద‌జేస్తామ‌ని మాత్ర‌మే చెబుతున్నామ‌ని స్ప‌ష్టం చేశారు పంజాబ్ సీఎం.

త‌ప్పుడు వాగ్ధానాలు మేం చేయం. మా ప్ర‌యారిటీ ఒక్క‌టే విద్యా రంగం, ఆరోగ్య రంగం. ప్రాథ‌మికంగా ప‌రిశ్ర‌మ‌ల ఏర్పాటుకు కూడా స‌హ‌కారం అంద‌జేస్తామ‌న్నారు భ‌గవంత్ మాన్. త‌మ పార్టీ చీఫ్ అర‌వింద్ కేజ్రీవాల్ ఎక్కువ‌గా న‌మ్మింది, తాను కూడా విశ్వ‌సించింది కేవ‌లం విద్య‌నేన‌ని పేర్కొన్నారు.

Also Read : Eatala Rajender : కేటీఆర్ కు రాజేంద‌ర్ కౌంట‌ర్