Bhatti Vikramarka : కేసీఆర్ లో ఓట‌మి భ‌యం
సీఎల్పీ నేత మ‌ల్లు భ‌ట్టి విక్ర‌మార్క
Bhatti Vikramarka : వైరా – బీఆర్ఎస్ బాస్ , సీఎం కేసీఆర్ లో ప‌రాజ‌యం భ‌యం మొద‌లైంద‌ని ధ్వ‌జ‌మెత్తారు సీఎల్పీ నేత , మ‌ధిర కాంగ్రెస్ పార్టీ అభ్య‌ర్థి మ‌ల్లు భ‌ట్టి విక్ర‌మార్క(Bhatti Vikramarka). తెలంగాణ ఎన్నిక‌ల ప్ర‌చారంలో భాగంగా అరుదైన దృశ్యం ఆవిష్కృత‌మైంది. మాజీ మంత్రి తుమ్మ‌ల నాగేశ్వ‌ర్ రావు, మాజీ ఎంపీ పొంగులేటి శ్రీ‌నివాస్ రెడ్డి వైరా నియోజ‌క‌వ‌ర్గం కాంగ్రెస్ పార్టీ అభ్య‌ర్థి రాందాస్ నాయ‌క్ కు మ‌ద్ద‌తుగా ప్ర‌చారం చేప‌ట్టారు.
Bhatti Vikramarka Comments on KCR
సీపీఐ, టీడీపీ, వైఎస్సార్సీపీ ముఖ్య నాయ‌కుల ఆత్మీయ స‌మ్మేళ‌నంలో పాల్గొన్నారు. ఈ సంద‌ర్బంగా ప్రసంగించిన మ‌ల్లు భ‌ట్టి విక్ర‌మార్క కీల‌క వ్యాఖ్య‌లు చేశారు. ప్ర‌జ‌లు మార్పు కోరుకుంటున్నార‌ని ఇది ప్ర‌త్య‌క్షంగా క‌నిపిస్తోంద‌న్నారు.
రాష్ట్రంలోని 119 నియోజ‌క‌వ‌ర్గాల‌లో క‌నీసం 80 సీట్ల‌కు పైగా త‌మ‌కు వ‌స్తాయ‌ని, ఇది అక్ష‌రాల వాస్త‌వ‌మ‌న్నారు. నిన్న‌టి దాకా హామీలు, సంక్షేమ ప‌థ‌కాల పేరుతో మోసం చేసిన బీఆర్ఎస్ కు గుణ‌పాఠం త‌ప్ప‌ద‌న్నారు మ‌ల్లు భ‌ట్టి విక్ర‌మార్క.
మాజీ ఎంపీ , పాలేరు నియోజ‌క‌వ‌ర్గ కాంగ్రెస్ పార్టీ అభ్య‌ర్థి పొంగులేటి శ్రీ‌నివాస్ రెడ్డి మాట్లాడుతూ కేసీఆర్ ను మించిన మోస‌పూరిత నాయ‌కుడు రాష్ట్రంలో ఎవ‌రూ లేర‌న్నారు. మాజీ మంత్రి తుమ్మ‌ల నాగేశ్వ‌ర్ రావు సీరియ‌స్ కామెంట్స్ చేశారు. సీఎం అహంకారానికి ఆత్మ గౌర‌వానికి మ‌ధ్య జ‌రుగుతున్న పోరాట‌మ‌ని స్ప‌ష్టం చేశారు.
Also Read : CM KCR : సీఎం కేసీఆర్ భావోద్వేగం