Buggana Rajendranath Reddy : వియ‌త్నాంలో ‘బుగ్గ‌న’ బిజీ

Buggana Rajendranath Reddy : ఏపీ ఆర్థిక శాఖ మంత్రి బుగ్గ‌న రాజేంద్ర నాథ్ రెడ్డి బిజీగా ఉన్నారు. ఆయ‌న విదేశీ ప‌ర్య‌ట‌న‌లో కీల‌క అంశాల‌పై చ‌ర్చిస్తున్నారు. శ‌నివారం వియ‌త్నాంలో ప‌ర్య‌టించారు. ఆ దేశ ప్ర‌భుత్వ ప్ర‌ణాళిక‌, ప‌రిశ్ర‌మ‌ల డిప్యూటీ మినిస్ట‌ర్ డో తాన్హ్ ట్రంగ్ తో భేటీ అయ్యారు. వొకేష‌న‌ల్ ట్రైనింగ్, పారిశ్రామిక అభివృద్దికి సంబంధించిన తోడ్పాటుపై ప్ర‌ధానంగా చ‌ర్చించారు. వియ‌త్నాం నుంచి మ‌రింత స‌హకారం దిశ‌గా ఒక ప్ర‌త్యేక యంత్రాంగాన్ని ఏర్పాటు చేసేందుకు అంగీకారం తెలిపామ‌న్నారు బుగ్గ‌న రాజేంద్ర‌నాథ్ రెడ్డి.

Buggana Rajendranath Reddy Busy

అంత‌కు ముందు వియ‌త్నాం ఛాంబ‌ర్ ఆఫ్ కామ‌ర్స్ , ఇండ‌స్ట్రీ ప్రెసిడెంట్ ట్రాన్ కోక్ ఫుంగ్ ను కూడా క‌లిశారు ఏపీ ఆర్థిక మంత్రి. హ‌నోయి లోని ఇండియా హౌస్ లో ఉన్న మ‌హాత్మా గాంధీ విగ్ర‌హానికి పూల‌మాల‌లు వేసి నివాళులు అర్పించారు బుగ్గ‌న రాజేంద్ర నాథ్ రెడ్డి(Buggana Rajendranath Reddy).

వియ‌త్నాంలోని అతి పెద్ద విస్త్ర త‌యారీ ప‌రిశ్ర‌మ గార్కో 10ను సంద‌ర్శించారు మంత్రి. టెక్స్ టైల్ కంపెనీ ఏర్పాటుకు గ‌ల అవ‌కాశాల‌పై ప్ర‌ధానంగా చ‌ర్చించారు. గార్కో 10 స‌హ‌కారంతో వృత్తి విద్య క‌ళాశాల‌ల ఏర్పాటు, పెట్టుబ‌డుల అవ‌కాశాల‌పై కూడా ఫోక‌స్ పెట్టిన‌ట్లు తెలిపారు బుగ్గ‌న రాజేంద్ర‌నాథ్ రెడ్డి. అనంత‌రం హానోయ్ టెక్స్ టైల్ అండ్ గార్మెంట్స్ యూనివ‌ర్శిటీని సంద‌ర్శించారు .

Also Read : Rajasthan Minister Sacked : ర‌క్ష‌ణ లేద‌న్న మంత్రిపై వేటు