Chandrababu Naidu : తెలంగాణ నెంబ‌ర్ 1 కు కార‌ణం నేనే
టీడీపీ చీఫ్ నారా చంద్ర‌బాబు నాయుడు
Chandrababu Naidu : తెలుగుదేశం పార్టీ చీఫ్, మాజీ సీఎం నారా చంద్ర‌బాబు నాయుడు సంచ‌ల‌న వ్యాఖ్య‌లు చేశారు. ఆయ‌న స్వంత డ‌బ్బా కొట్టుకోవ‌డం ప‌రిపాటిగా మారడం విస్తు పోయేలా చేస్తోంది. ఉన్న‌ట్టుండి తెలంగాణ రాష్ట్రంపై కీల‌క వ్యాఖ్య‌లు చేశారు. త‌న వ‌ల్ల‌నే హైద‌రాబాద్ అభివృద్ది చెందింద‌ని చెప్పారు. ఇవాళ తెలంగాణ త‌ల‌స‌రి ఆదాయంలో నెంబ‌ర్ 1 స్థానంలో ఉంద‌ని, దానికి కార‌ణం కూడా నేనేంటూ స్ప‌ష్టం చేశారు చంద్ర‌బాబు నాయుడు(Chandrababu Naidu). ఆరోజు తాను వేసిన ఫౌండేష‌న్ వ‌ల్ల ఇవాళ భార‌త దేశంలో హైద‌రాబాద్ నెంబ‌ర్ 1 సిటీగా మారింద‌న్నారు.
Chandrababu Naidu Comments Viral
విచిత్రం ఏమిటంటే ఇంజ‌నీరింగ్ చ‌ద‌వాలంటే ఇంట‌ర్ మీడియ‌ట్ లో బీపీసీ చ‌ద‌వాల‌ని సెల‌విచ్చారు. అంతే కాదు మండ‌పేట‌లో జ‌రిగిన స‌భ‌లో సెల్ ఫోన్ల‌లో వినియోగించే టార్చ్ లైట్ సౌక‌ర్యాన్ని తానే తెలుగు వారికి ప‌రిచ‌యం చేశానంటూ గొప్ప‌లు పోయారు టీడీపీ చీఫ్.
దీనిపై భార‌త రాష్ట్ర స‌మితి తీవ్ర స్థాయిలో అభ్యంత‌రం తెలిపింది. తెలంగాణ‌ను స‌ర్వ నాశ‌నం చేసిన చ‌రిత్ర చంద్ర‌బాబుద‌ని ఆరోపించారు. ప్ర‌పంచ బ్యాంకుకు తాబేదారుగా ఉన్న చంద్ర‌బాబు నాయుడు చేసిన నిర్వాకం కార‌ణంగా ఎంద‌రో రైతులు ఆత్మ‌హ‌త్య‌లు చేసుకున్నార‌ని, కాంట్రాక్టు వ్య‌వ‌స్థ‌ను తీసుకు వ‌చ్చిన ఘ‌న‌త ఆయ‌న‌కే ద‌క్కుతుంద‌ని మండిప‌డింది.
Also Read : Nara Lokesh : జ‌గ‌న్ జీవితం నేర‌మ‌యం – లోకేష్