Chandrababu Naidu : రేప‌టి నుండి చంద్ర‌బాబు టూర్
9వ తేదీ వ‌ర‌కు ప‌లు జిల్లాల్లో ప‌ర్య‌ట‌న
Chandrababu Naidu : అనంత‌పురం – తెలుగుదేశం పార్టీ చీఫ్, మాజీ సీఎం నారా చంద్ర‌బాబు నాయుడు మ‌రోసారి జిల్లాల‌లో ప‌ర్య‌టించ‌నున్నారు. ఈ మేర‌కు బాబు ష్యూరిటీ భ‌విష్య‌త్తు గ్యారెంటీ పేరుతో ఓ కార్య‌క్ర‌మానికి శ్రీ‌కారం చుట్టారు. ఇందులో భాగంగా ఈనెల 5న మంగ‌ళ‌వారం నుండి అనంత‌పురం జిల్లాలో ప‌ర్య‌టించ‌నున్నారు.
Chandrababu Naidu Tour
రాయ‌దుర్గం నుండి నారా చంద్ర‌బాబు నాయుడు టూర్ ప్రారంభం కానుంది. 5,6, 7 తేదీల‌లో అనంత‌పురం జిల్లా లోని రాయ‌దుర్గం, క‌ళ్యాణ‌దుర్గం, గుంత‌క‌ల్ నియోజ‌క‌వ‌ర్గాల‌లో ప‌ర్య‌టిస్తారు. ఈ సంద‌ర్భంగా వివిధ వ‌ర్గాల ప్ర‌జ‌ల‌తో చ‌ర్చా కార్య‌క్ర‌మాలు, స‌మావేశాలు, రోడ్ షోలు, స‌భ‌ల్లో పాల్గొంటారు.
ఇక 8,9 తేదీల‌లో క‌ర్నూలు జిల్లాలో చంద్ర‌బాబు ప‌ర్య‌ట‌న ఉంటుంది. ముందుగా హైద‌రాబాద్ నుంచి మ‌ధ్యాహ్నం 1 గంట‌కు బ‌ళ్లారికి చేరుకుంటారు టీడీపీ చీఫ్(Chandrababu Naidu ). అక్క‌డ తెలుగు ప్ర‌జ‌లు ఏర్పాటు చేసిన దివంగ‌త సీఎం ఎన్టీఆర్ విగ్ర‌హాన్ని ఆవిష్క‌రిస్తారు. అక్క‌డి నుంచి రాయ‌దుర్గం ప‌ర్య‌ట‌న‌కు వెళ‌తారు.
ఈ కార్య‌క్ర‌మంలో భాగంగా చంద్ర‌బాబు నాయుడు ప్ర‌ధానంగా ఏపీ స‌ర్కార్ ను టార్గెట్ చేశారు. ప్ర‌త్యేకించి ఏపీ సీఎం జ‌గ‌న్ మోహ‌న్ రెడ్డిని ల‌క్ష్యంగా చేసుకుని విమ‌ర్శ‌లు గుప్పిస్తున్నారు. రాష్ట్రాన్ని అప్పుల కుప్ప‌గా మార్చిన ఘ‌న‌త జ‌గ‌న్ కే ద‌క్కుతుంద‌ని ఎద్దేవా చేశారు.
Also Read : Vangaveeti Radha : ఘనంగా వంగవీటి రాధా నిశ్చితార్థం