Chelluboina Venu : లావు త‌గ్గ‌డానికే లోకేష్ యాత్ర

Chelluboina Venu : అమ‌రావ‌తి – ఏపీ మంత్రి చెల్లుబోయిన వేణు షాకింగ్ కామెంట్స్ చేశారు. ఎవ‌రైనా ప్ర‌జ‌ల కోసం , వారి గోడు వినేందుకు పాద‌యాత్ర చేస్తార‌ని కానీ టీడీపీ జాతీయ ప్ర‌ధాన కార్య‌ద‌ర్శి నారా లోకేష్ మాత్రం త‌ను ఎందుకు పాద‌యాత్ర త‌ల‌పెట్టాడో త‌న‌కే తెలియ‌దంటూ ఎద్దేవా చేశారు.

Chelluboina Venu Shocking Comments on Nara Lokesh

మంత్రి చెల్లుబోయిన వేణు ఆదివారం మీడియాతో మాట్లాడారు. కేవ‌లం నారా లోకేష్ త‌ను లావు త‌గ్గ‌డానికి మాత్ర‌మే యువ గ‌ళం పాద‌యాత్ర చేప‌ట్టారంటూ మండిప‌డ్డారు. ఆ పార్టీకి చెందిన మాజీ మంత్రి అయ్య‌న్న పాత్రుడే ఇప్ప‌టికే యాత్ర చేప‌ట్ట‌డం వ‌ల్ల ఒన‌గూరేది ఏదీ ఉండ‌ద‌ని ఈపాటికే చెప్పాడ‌ని కానీ ప‌ట్టించు కోలేద‌న్నారు.

లోకేష్ ప‌దే ప‌దే ఎర్ర బుక్కు రాస్తున్నాన‌ని ప్ర‌గ‌ల్భాలు ప‌లుకుతున్నాడ‌ని, అది ఎందుకూ ప‌నికి రాద‌ని మండిప‌డ్డారు చెల్లుబోయిన వేణు(Chelluboina Venu). సెల్ఫీలు దిగ‌డం, ఫోటోలకు ఫోజులు ఇవ్వ‌డం త‌ప్పితే లోకేష్ యాత్ర‌కు అంత సీన్ లేద‌న్నారు.

ఇక‌నైనా త‌ను మారితే బెట‌ర్ అని లేకుండా జ‌నం ప‌ట్టించు కోకుండా వ‌దిలి వేసే ప్ర‌మాదం ఉంద‌న్నారు. ఆరు నూరైనా స‌రే వైసీపీదే మ‌రోసారి అధికారం అని కుండ‌బ‌ద్ద‌లు కొట్టారు. ప్ర‌జ‌లు త‌మ ప‌ట్ల సానుకూల ధోర‌ణితో ఉన్నార‌ని, ఇవాళ అన్ని వ‌ర్గాల ప్ర‌జ‌ల‌కు న్యాయం కేవ‌లం త‌మ పార్టీ ద్వారానే జ‌రుగుతోంద‌ని చెప్పారు.

Also Read : Jagga Reddy : ఓడినా ప్ర‌జ‌ల కోసం ప‌ని చేస్తా