KCR Bandi Sanjay : బండికి కేసీఆర్ బ‌ర్త్ డే గ్రీటింగ్స్

KCR Bandi Sanjay : నిత్యం మాట‌లతో మంట‌లు పుట్టించే నాయ‌కులుగా తెలంగాణ రాష్ట్రంలో గుర్తింపు పొందారు. ఇద్ద‌రూ ఎవ‌రికి వారే. ఒక‌రు తెలంగాణ ఉద్యమానికి ఊపిరి పోసి, మ‌లి ద‌శ పోరాటాన్ని ముందుండి న‌డిపించిన నాయ‌కుడు , ప్ర‌స్తుత ముఖ్య‌మంత్రి క‌ల్వ‌కుంట్ల చంద్ర‌శేఖ‌ర్ రావు.

మ‌రొక‌రు మ‌ధ్య‌త‌ర‌గ‌తి కుటుంబం నుంచి వ‌చ్చి, ఆర్ఎస్ఎస్ లో చేరి..ఆపై బీజేపీలో సామాన్య కార్య‌క‌ర్త‌గా మొద‌లై, కార్పొరేట్ గా గెలుపొంది, కరీంన‌గ‌ర్ ఎంపీగా విజ‌యం సాధించి..రాష్ట్ర భార‌తీయ జ‌న‌తా పార్టీకి చీఫ్ గా ప‌ని చేసిన వ్య‌క్తి బండి సంజ‌య్ కుమార్(Bandi Sanjay) ప‌టేల్. ఇటీవ‌లే ఆయ‌న అధ్య‌క్ష ప‌ద‌విని కోల్పోయారు.

తీవ్ర భావోద్వేగానికి లోన‌య్యారు. ఎప్పుడైతే బండి బీజేపీకి చీఫ్ గా కొలువు తీరాడో ఆనాటి నుంచి రాష్ట్రంలో పార్టీకి ఒక ఊపు తీసుకు వ‌చ్చాడు. బీఆర్ఎస్ పార్టీని, ప్ర‌భుత్వాన్ని, క‌ల్వ‌కుంట్ల ఫ్యామిలీని ఏకి పారేస్తూ వ‌చ్చాడు. వ్య‌క్తిగ‌తంగా తీవ్ర విమ‌ర్శ‌లు కూడా చేశాడు. ఎలాంటి ఊసే లేని కాషాయ పార్టీని అధికార పార్టీకి ప్ర‌త్యామ్నాయం అనే స్థాయికి తీసుకు వ‌చ్చాడు. ప‌ద‌విని కోల్పోయినా పోరాటం ఆప‌నంటూ మ‌రోసారి స్ప‌ష్టం చేశాడు.

ఇదిలా ఉండ‌గా నిత్యం ఒక‌రిపై మ‌రొక‌రు తిట్టుకున్నా జూలై 11న బండి పుట్టిన రోజు కావ‌డంతో సీఎం స్వ‌యంగా పుట్టిన‌రోజు శుభాకాంక్ష‌లు తెలిపారు. ప్ర‌స్తుతం ఇది నెట్టింట్లో వైర‌ల్ గా మారింది. త‌న‌కు బ‌ర్త్ డే విషెస్ చెప్పినందుకు బండి కేసీఆర్ కు ధ‌న్య‌వాదాలు తెలిపారు.

Also Read : MP Aravind KCR : కేసీఆర్ దేశం విడిచి పోవ‌చ్చు