CM KCR Missing : కేసీఆర్ మిస్సింగ్ పోస్ట‌ర్ వైర‌ల్

CM KCR Missing : తెలంగాణ రాష్ట్రంలో రాజ‌కీయాలు మ‌రింత వేడెక్కాయి. కాంగ్రెస్, బీఆర్ఎస్ , బీజేపీ పార్టీల నేత‌ల మ‌ధ్య మాట‌ల యుద్దం కొన‌సాగుతోంది . ఒక‌రిపై మ‌రొక‌రు నిప్పులు చెరుగుతున్నారు. తాజాగా ప్ర‌తిప‌క్ష కాంగ్రెస్ పార్టీ , అధికారంలో ఉన్న భార‌త రాష్ట్ర స‌మితి పార్టీల మ‌ధ్య ప‌చ్చ‌గ‌డ్డి వేస్తే భ‌గ్గుమ‌నే స్థితికి చేరుకుంది. ఈ త‌రుణంలో మ‌ల్కాజ్ గిరి ఎంపీ , టీపీసీసీ చీఫ్ ఎనుముల రేవంత్ రెడ్డి క‌నిపించ‌డం లేదంటూ హైద‌రాబాద్ లో పోస్ట‌ర్స్ వెలిశాయి. ఆయా పోస్ట‌ర్ల‌లో రేవంత్ రెడ్డి మిస్సింగ్ అంటూ పేర్కొన్నారు. న‌గ‌రంలోని ప‌లు చోట్ల ఇవి ద‌ర్శ‌నం ఇచ్చాయి.

CM KCR Missing Poster

దీనికి పోటీగా ఎవ‌రు ఏర్పాటు చేశారో తెలియ‌దు కానీ సీఎం కేసీఆర్ క‌నిపించ‌డం లేదంటూ(CM KCR Missing) పోస్ట‌ర్లు ఇప్పుడు భాగ్య‌న‌గ‌రంలో హ‌ల్ చ‌ల్ చేస్తున్నాయి. ఈ పోస్ట‌ర్లు సామాజిక మాధ్య‌మాల‌లో వైర‌ల్ గా మారాయి. ఉద్య‌మం పేరుతో ప‌వ‌ర్ లోకి వ‌చ్చిన కేసీఆర్ ప్ర‌జ‌ల‌ను ప‌ట్టించు కోవ‌డం లేద‌ని ఆరోపించింది టీపీసీసీ. కేవ‌లం ఫామ్ హౌస్ కే ప‌రిమితం అయ్యాడంటూ పేర్కొంది.

మ‌రో వైపు బీజేపీ సైతం దూకుడు పెంచింది. బీఆర్ఎస్ స‌ర్కార్ అవినీతికి కేరాఫ్ గా మారిందంటూ ఆరోపించింది. ఇదిలా ఉండ‌గా హైదరాబాద్ న‌గ‌ర పాల‌క సంస్థ న‌గ‌ర వాసుల పాలిట శాపంగా త‌యారైందంటూ తెలంగాణ ప్ర‌దేశ్ కాంగ్రెస్ క‌మిటీ ఆధ్వ‌ర్యంలో ముట్ట‌డించారు. రేవంత్ రెడ్డి పిలుపు మేర‌కు ఉద్రిక్త‌త‌కు దారి తీసింది.

Also Read : Floods Deaths : భారీ వ‌ర్షం మిగిల్చిన విషాదం 17..మంది మృతి