CM Siddaramaiah : నేనే సీఎం నేనే సుప్రీం

CM Siddaramaiah : క‌ర్ణాట‌క – రాష్ట్ర ముఖ్య‌మంత్రి సిద్ద‌రామ‌య్య సంచ‌ల‌న కామెంట్స్ చేశారు. కోల్డ్ వార్ కు తెర దించే ప్ర‌య‌త్నం చేశారు. ఓ వైపు ట్ర‌బుల్ షూట‌ర్ గా పేరు పొందిన డిప్యూటీ సీఎం డీకే శివ‌కుమార్ కు కోలుకోలేని షాక్ ఇచ్చారు.

CM Siddaramaiah Comments Viral

మీడియా ముఖంగా 5 ఏళ్ల పాటు తాను సీఎంగా ఉంటాన‌ని , ఇందులో ఎలాంటి అనుమానం అక్క‌ర్లేద‌న్నారు సిద్ద‌రామ‌య్య‌(CM Siddaramaiah). ఇదిలా ఉండ‌గా ఇటీవ‌ల రాష్ట్రంలో జ‌రిగిన ఎన్నిక‌ల్లో కాంగ్రెస్ పార్టీ భారీ మెజారిటీని సాధించింది. అధికారంలోకి వ‌చ్చింది.

ఎవ‌రు సీఎం అవుతార‌నే దానిపై సిద్ద‌రామ‌య్య‌, డీకే శివ‌కుమార్ ల మ‌ధ్య నెలకొన్న పోటీకి పుల్ స్టాప్ పెట్టే ప్ర‌య‌త్నం చేసింది కాంగ్రెస్ హైక‌మాండ్. అయినా ఆనాటి నుంచి నేటి దాకా ఆధిప‌త్య పోరు కొన‌సాగుతోంది. ఈ త‌రుణంలో రెండున్న‌ర ఏళ్ల పాటు సీఎంగా సిద్ద‌రామ‌య్య ఉండేలా మ‌రో రెండున్న‌ర ఏళ్ల పాటు డీకే శివ‌కుమార్ ముఖ్య‌మంత్రిగా చేసేలా ఒప్పందం కుదిర్చారు.

తీరా పార్టీ హైక‌మాండ్ ను కాద‌ని సిద్ద‌రామ‌య్య తానే ఐదేళ్ల పాటు సీఎంగా కొన‌సాగుతానంటూ ప్ర‌క‌ట‌న చేయ‌డం క‌ల‌క‌లం రేపింది. ఇప్ప‌టికే పార్టీ ప‌రంగా ఇచ్చిన హామీల‌ను అమ‌లు చేయ‌లేక నానా తంటాలు ప‌డుతోంది ప్ర‌భుత్వం.

Also Read : CPI Narayana : కాంగ్రెస్ ద్రోహం నారాయ‌ణ ఆగ్ర‌హం