Iranian Celebrity Chef : ఇరాన్ సెల‌బ్రిటీ చెఫ్ మృతిపై ఆందోళ‌న
దేశ వ్యాప్తంగా మిన్నంటిన నిర‌స‌న‌లు
Iranian Celebrity Chef : ఇరాన్ లో మ‌రో దారుణం చోటు చేసుకుంది. ఇప్ప‌టికే హిజాబ్ ధ‌రించ లేద‌నే సాకుతో అక్క‌డి ద‌ళాలు ఓ మ‌హిళ‌ను పొట్ట‌న పెట్టుకుంది. దీనిపై ప్ర‌పంచ వ్యాప్తంగా నిర‌స‌న వ్య‌క్త‌మైంది. ఈ త‌రుణంలో మ‌రో ఘ‌ట‌న చోటు చేసుకోవ‌డం క‌ల‌క‌లం రేపింది. హిజాబ్ వ్య‌తిరేక నిర‌స‌న‌ల మ‌ధ్య ఇరాన్ సెల‌బ్రిటీ చెఫ్ షాహిదిని పొట్ట‌న పెట్టుకున్నాయి.
కానీ ఇది పూర్తిగా త‌ప్ప‌ని పేర్కొంటోంది ప్ర‌భుత్వం. కాగా మృతుడి కుటుంబీకులు సంచ‌ల‌న ఆరోప‌ణ‌లు చేశారు. త‌మ కుమారుడు గుండె పోటుతో చ‌ని పోయాడ‌ని చెప్పాలంటూ త‌మ‌పై ఇరాన్ ద‌ళాలు ఒత్తిడి తెచ్చాయంటూ ఆవేద‌న వ్య‌క్తం చేశారు. ఇరాన్ కు చెందిన జామీ ఆలివ‌ర్ అని కూడా పిలుస్తారు ఇరాన్ చెఫ్ మెహ‌ర్ షాదీ షాహిది(Iranian Celebrity Chef) .
అత‌డి 20వ పుట్టిన రోజుకు ముందు రోజు రివ‌ల్యూష‌న్ గార్డ్ ద‌ళాల‌చే చంప‌బ‌డ్డాడు. నిర్ధార‌ణ హ‌త్య ఇరాన్ లో దుఖాఃన్ని రేకెత్తించింది. ఇక్క‌డ షాహిదీ అంత్య‌క్రియ‌ల సంద‌ర్భంగా వేలాది మంది వీధుల్లోకి వ‌చ్చారు. పెద్ద ఎత్తున ఇరాన్ స‌ర్కార్ కు వ్య‌తిరేకంగా నినాదాలు చేశారు. పూర్తిగా స్వేచ్ఛ‌ను హ‌రిస్తున్నారంటూ మండిప‌డ్డారు.
అర‌క్ న‌గ‌రంలో ఇరాన్ రివ‌ల్యూష‌న‌రీ గార్డ్ నిర్బంధంలో ఉన్న‌ప్పుడు 19 ఏళ్ల యువ‌కుడిని నిర‌స‌న స‌మ‌యంలో అరెస్ట్ చేసి లాఠీల‌తో కొట్టి చంపార‌ని స‌మాచారం. దీనిని పూర్తిగా ఖండించింది ఇరాన్ ప్ర‌భుత్వం. ఇదంతా అబద్ద‌మంటూ పేర్కొంది. అత‌డిది స‌హ‌జ మ‌ర‌ణ‌మేన‌ని అస‌హ‌జ మ‌ర‌ణం కాద‌ని తెలిపింది.
ప్ర‌స్తుతం తీవ్ర ఉద్రిక్త‌త నెల‌కొంది ఇరాన్ లో . యావ‌త్ ప్ర‌పంచం ఇప్పుడు ఇరాన్ ను త‌ప్పు ప‌డుతోంది.
Also Read : జెఫ్ బెజోస్ అదానీ నువ్వా నేనా