Dhamaka Box Office : ‘ధ‌మాకా’ తఢాఖా వ‌సూళ్లలో మ‌జాకా

Dhamaka Box Office : త్రినాద్ రావు న‌క్కిన ద‌ర్శ‌క‌త్వంలో మాస్ మ‌హ‌రాజా ర‌వితేజ, లవ్లీ బ్యూటీ శ్రీలీల క‌లిసి న‌టించిన ధ‌మాకా మూవీ దుమ్ము రేపుతోంది. ఇప్ప‌టికే మ్యూజిక్ ప‌రంగా టాప్ రేంజ్ లో కొన‌సాగుతోంది ఈ మూవీ. ఇక విడుద‌లైన నాటి నుంచే పాజిటివ్ టాక్(Dhamaka Box Office) తెచ్చుకుంది. ఎప్ప‌టి లాగే ర‌వితేజ త‌న డైలాగ్ డెలివ‌రీ తో ఆక‌ట్టుకుంటే శ్రీ‌లీల పోటీప‌డి న‌టించింది. డ్యాన్సుల‌తో హోరెత్తించింది.

ఇక తెలంగాణ యాస‌తో కూడిన పాట‌లు ఇప్పుడు తెగ వైర‌ల్ అవుతున్నాయి. అంతే కాదు మంగ్లీ మ‌స్తు జోష్ తో పాడిన పాట హ‌ల్ చ‌ల్ చేస్తోంది. ఇక ధ‌మాకా మామాలుగా లేదంటున్నారు ప్రేక్ష‌కులు. ఇక మాస్ మ‌హ‌రాజా అభిమానులు అయితే పండ‌గ చేసుకుంటున్నారు. గోపీచంద్ మ‌లినేని ద‌ర్శ‌క‌త్వంలో వ‌చ్చిన క్రాక్ మూవీ త‌ర్వాత అంత‌గా హిట్ ఆలేదు.

ఇప్పుడు తాజాగా విడుద‌లైన ధ‌మాకా(Dhamaka Box Office) మ‌రోసారి ర‌వితేజ లోని మాస్ యాంగిల్ ను ర‌ప్పించేలా చేశాడు ద‌ర్శ‌కుడు త్రినాద్ రావు. అన్ని వ‌ర్గాల ప్ర‌జ‌ల‌ను ఆక‌ట్టుకునేలా ఉండ‌డంతో చూసేందుకు ముచ్చ‌ట ప‌డుతున్నారు. పీపుల్ మీడియా ఫ్యాక్ట‌రీ, అభిషేక్ పిక్చ‌ర్స్ బ్యాన‌ర్ల‌పై ఈ సినిమా నిర్మించారు. విడుద‌లైన పాట‌లు, టీజ‌ర్స్ , ట్రైల‌ర్స్ మాస్ ను ఆక‌ట్టుకున్నాయి.

డిసెంబ‌ర్ 23న ధ‌మాకా విడుద‌ల కాగా ఇప్ప‌టి వ‌ర‌కు కేవ‌లం ఎనిమిది రోజుల్లోనే రూ. 69 కోట్లకు పైగా గ్రాస్ వ‌సూలు చేసి దూసుకు పోతోంది.

రాబోయే సంక్రాంతి పండ‌గ రానుండ‌డంతో ధ‌మాకాకు మ‌రిన్ని క‌లెక్ష‌న్లు రావ‌చ్చ‌ని సినీ వ‌ర్గాలు పేర్కొంటున్నాయి.

Also Read : నరేష్..ప‌విత్ర లిప్ కిస్ వైర‌ల్