Divyavani : న‌టి దివ్య‌వాణికి కీల‌క ప‌ద‌వి
క్యాంపెయిన్ క‌మిటీ జాయింట్ క‌న్వీన‌ర్
Divyavani : హైద‌రాబాద్ – ప్ర‌ముఖ న‌టి దివ్య వాణికి బంప‌ర్ ఆఫ‌ర్ ఇచ్చింది ఏఐసీసీ. తాజాగా ఆమె తెలుగుదేశం పార్టీకి గుడ్ బై చెప్పింది. తెలంగాణ రాష్ట్ర వ్య‌వ‌హారాల ఇంఛార్జ్ మాణిక్ రావు ఠాక్రే స‌మక్షంలో కాంగ్రెస్ కండువా క‌ప్పుకున్నారు. ఈ సంద‌ర్బంగా ఆమెను సాద‌రంగా స్వాగ‌తం ప‌లుకుతున్నామ‌ని, పార్టీ స‌ముచిత స్థానం ఇస్తుంద‌ని హామీ ఇచ్చారు.
Divyavani Got Good Position
అనుకున్న‌ట్టుగానే దివ్య వాణికి(Divyavani) కీల‌క ప‌ద‌వి అప్ప‌గించింది పార్టీ. ఈ మేర‌కు పార్టీ ప‌రంగా ప్ర‌స్తుతం రాష్ట్రంలో శాస‌న స‌భ ఎన్నిక‌లు జ‌రుగుతున్నాయి. ఇందులో భాగంగా ఇప్ప‌టికే పార్టీలో జంప్ అయిన ప్ర‌ముఖ న‌టి విజ‌య శాంతికి కీల‌క ప‌ద‌వి క‌ట్ట బెట్టింది హైక‌మాండ్. ఇదే స‌మ‌యంలో తీన్మార్ మ‌ల్ల‌న్న అలియాస్ చింత పండు న‌వీన్ కు ప్ర‌చార క‌మిటీలో చోటు క‌ల్పించింది.
ఆయ‌న త‌న ప్ర‌చారాన్ని ముమ్మ‌రం చేశారు. పార్టీ అభ్య‌ర్థుల త‌ర‌పున జోరుగా ప్ర‌చారం చేస్తున్నారు. న‌వీన్ కు తోడుగా న‌టి దివ్య వాణిని చేర్చ‌డం విశేషం. క్యాంపెయిన్ క‌మిటీ జాయింట్ క‌న్వీన‌ర్ గా నియ‌మించింది ఏఐసీసీ ప‌రిశీల‌క క‌మిటీ.
న‌టిగా పేరు పొందిన దివ్య వాణి గ‌తంలో టీడీపీలో చేరారు. ఆ పార్టీ అధికార ప్ర‌తినిధిగా ఉన్నారు. త‌న వాయిస్ వినిపించారు. కానీ ఏమైందో ఏమో కానీ అక్క‌డ ఇముడ లేక పోయారు.
Also Read : Revanth Reddy : దొర‌ల రాజ్యం ప‌తనం ఖాయం