DK Shiva Kumar : తెలంగాణపై ట్ర‌బుల్ షూట‌ర్ ఫోక‌స్
రేపు సాయంత్రం దాకా ఇక్క‌డే
DK Shiva Kumar : హైద‌రాబాద్ – తెలంగాణ రాష్ట్రంలో ఎన్నిక‌లు ముగిశాయి. ఆదివారం ఓట్ల లెక్కింపు ప్రారంభం కానుంది. కాంగ్రెస్ పార్టీలో ట్ర‌బుల్ షూట‌ర్ గా పేరు పొందిన క‌ర్ణాట‌క డిప్యూటీ సీఎం డీకే శివ‌కుమార్ ఫోక‌స్ పెట్టారు. ఇప్ప‌టికే 119 అసెంబ్లీ నియోజ‌క‌వ‌ర్గాల‌కు పోలింగ్ జ‌రిగింది. ఇప్ప‌టికే ఏర్పాట్లు పూర్త‌య్యాయి. ఓట్ల లెక్కింపుపై భారీ భ‌ద్ర‌త‌ను ఏర్పాటు చేసింది రాష్ట్ర ఎన్నిక‌ల సంఘం.
DK Shiva Kumar Focus on Telangana
ఇదిలా ఉండ‌గా భారీ ఎత్తున స‌ర్వే సంస్థ‌లు, మీడియా సంస్థ‌లు కాంగ్రెస్ పార్టీ అధికారంలోకి రానుంద‌ని గంప గుత్త‌గా ప్ర‌క‌టించాయి. దీంతో ఎమ్మెల్యేలుగా పోటీ చేసిన అభ్య‌ర్థులు చేజారి పోకుండా ఉండేందుకు ఏఐసీసీ విస్తృతంగా ఏర్పాట్లు చేసింది. ఈ మేర‌కు ఒక్కో అభ్య‌ర్థి వెంట ఒక ప‌రిశీల‌కుడిని నియ‌మించింది.
ఇందుకు సంబంధించి డిప్యూటీ సీఎం డీకే శివ‌కుమార్(DK Shiva Kumar) తెలంగాణపై ఫోక‌స్ పెట్టారు. ఆయ‌నే అన్నీ తానై వ్య‌వ‌హ‌రించారు గ‌తంలో నుంచీ. అక్క‌డి నుంచే పార్టీలో సీనియ‌ర్లు ప‌క్క‌న పోకుండా చూశారు. అంద‌రినీ ఒకే వేదిక‌పైకి తీసుకు వ‌చ్చేలా చేయ‌డంలో స‌క్సెస్ అయ్యారు.
ఆదివారం ఉద‌యం నుండి కేబినెట్ ఏర్పాటు అయ్యేంత వ‌ర‌కు ఏ ఒక్క‌రినీ బ‌య‌ట‌కు వెళ్ల‌నీయ‌కుండా వారి వెంట ఉండ‌నున్నారు. ఒక ర‌కంగా కాంగ్రెస్ పార్టీకి బ‌లంగా మారినా మ‌రో వైపు ఎమ్మెల్యేలు జారి పోకుండా చూసే ప్ర‌య‌త్నంపై ఎక్కువ‌గా న‌జ‌ర్ పెట్టారు. ఏది ఏమైనా డీకే శివ‌కుమార్ కీల‌కంగా మార‌నున్నారు.
Also Read : Telangana Elections 2023 : ఓట్ల లెక్కింపున‌కు ఏర్పాట్లు