DK Shiva Kumar : సిద్ద‌రామ‌య్య భ‌య‌ప‌డ్డారు – డీకే

DK Shiva Kumar : క‌ర్ణాట‌క పీసీసీ చీఫ్ , డిప్యూటీ సీఎం డీకే శివ‌కుమార్ షాకింగ్ కామెంట్స్ చేశారు. ఆయ‌న సీఎం సిద్ద‌రామ‌య్య‌ను ఉద్దేశించి ఆస‌క్తిక‌ర వ్యాఖ్య‌లు చేశారు. ప్ర‌స్తుతం ఈ వ్యాఖ్య‌లు క‌ల‌క‌లం రేపుతున్నాయి. ప్ర‌స్తుతం సీఎం ప‌ద‌విలో సిద్ద‌రామ‌య్య ఉన్న‌ప్ప‌టికీ అన్నీ తానై వ్య‌వ‌హ‌రిస్తున్నారు డీకే శివ‌కుమార్(DK Shiva Kumar). ఇదిలా ఉండ‌గా 2017లో జ‌రిగిన సంఘ‌ట‌న‌ను ఓ కార్య‌క్ర‌మంలో డీకే గుర్తు చేసుకున్నారు. ఆనాడు నిర్మాణాల విష‌యంలో సిద్ద‌రామ‌య్య భ‌య‌ప‌డ్డార‌ని , కానీ నేను ఆ స్థానంలో ఉంటే భ‌య‌ప‌డి ఉండే వాడిని కాద‌ని పేర్కొన్నారు. ఇది దేనిని ఉద్దేశించి అన్నారో కానీ ఇప్పుడు ఎక్కడికి వెళ్లినా డీకే అన్న వ్యాఖ్య‌ల గురించే చ‌ర్చ జ‌రుగుతోంది.

క‌ర్ణాట‌క‌లో విజ‌య‌న‌గ‌ర సామ్రాజ్యంలో ముఖ్యుడిగా పేరు పొందిన కెంపెగౌడ జ‌యంతి సంద‌ర్భంగా జ‌రిగిన మీటింగ్ లో సీఎంపై కీల‌క వ్యాఖ్య‌లు చేశారు డీకే. సొరంగాలు, ఫ్లై ఓవ‌ర్ ల నిర్మాణం కోసం పెద్ద ఎత్తున అభ్య‌ర్థ‌న‌లు అందుతున్నాయ‌ని చెప్పారు. కానీ ఆనాడు సీఎం గా ఉన్న స‌మ‌యంలో నిర్ణ‌యం తీసుకునేందుకు సిద్ద‌రామ‌య్య ఒకింత వెనుక‌డుగు వేశారంటూ సంచ‌ల‌న వ్యాఖ్య‌లు చేశారు.

అదే స‌మ‌యంలో తాను గ‌నుక ముఖ్య‌మంత్రి ప‌ద‌విలో ఉండి ఉంటే సీన్ వేరేగా ఉండేద‌న్నారు. తాను ఎవ‌రికీ భ‌య‌ప‌డే వ్య‌క్తిని కాన‌ని అన్నారు. ఇదిలా ఉండ‌గా సీఎం మ‌ద్ద‌తుదారులు డీకే పై భ‌గ్గుమంటున్నారు. మ‌రో వైపు ఈసారి ఎన్నికల్లో భారీ మెజారిటీ సాధించింది కాంగ్రెస్ పార్టీ. క్లీన్ ఇమేజ్ ఉండ‌డంతో సిద్ద‌రామ‌య్య వైపు మొగ్గు చూపింది హైక‌మాండ్.

Also Read : MK Stalin Modi : మోదీ కామెంట్స్ స్టాలిన్ సీరియ‌స్