Siddaramaiah Bommai : సీఎం మాజీ సీఎం క‌ర‌చాల‌నం
బెళ‌గావిలో అరుదైన దృశ్యం
Siddaramaiah Bommai : కర్ణాటకలో బుధ‌వారం అరుదైన స‌న్నివేశం చోటు చేసుకుంది. వాళ్లిద్ద‌రూ ఎద‌రు ప‌డ్డారు. ఆ ఇద్ద‌రూ ఎవ‌రో కాదు ప్ర‌స్తుతం క‌న్న‌డ నాట రాజ‌కీయాల‌లో త‌మ‌దైన ముద్ర వేస్తున్న నాయ‌కులు. ఒక‌రు కాంగ్రెస్ పార్టీలో సీనియ‌ర్ నాయ‌కుడు, క‌ర్ణాట‌క మాజీ సీఎం సిద్ద‌రామ‌య్య. ప్ర‌స్తుతం ప్ర‌తిప‌క్ష నేత‌గా కొన‌సాగుతున్నారు.
మ‌రొక‌రు భార‌తీయ జ‌న‌తా పార్టీకి పెద్ద దిక్కు. ప్ర‌స్తుతం క‌ర్ణాట‌క సీఎంగా కొన‌సాగుతున్నారు బ‌స్వ‌రాజ్ బొమ్మై. వీళ్లిద్ద‌రూ ఒక‌రిపై మ‌రొక‌రు కారాలు మిరియాలు నూరారు. తీవ్ర స్థాయిలో ఆరోప‌ణ‌లు గుప్పించారు. రాష్ట్రంలో అవినీతికి కేరాఫ్ గా బొమ్మై స‌ర్కార్ మారి పోయిందంటూ సిద్ద‌రామ‌య్య సీరియ‌స్ కామెంట్స్ చేశారు. దానికి అదే రీతిలో స్ట్రాంగ్ కౌంట‌ర్ ఇచ్చారు సీఎం బ‌స్వ‌రాజ్ బొమ్మై(Bommai) .
గ‌తంలో కర్ణాటకలో కొలువు తీరింది ఎవ‌రో, ఎవ‌రు ఎంత‌గా అక్ర‌మాల‌కు పాటు ప‌డ్డారో తెలియ‌దా అని నిల‌దీశారు. ఈ త‌రుణంలో వ‌చ్చే మే నెల 10న పోలింగ్ జ‌ర‌గ‌నుంది. మే 13న ఫలితాలను ఈసీ ప్ర‌క‌టించ‌నుంది. ఈసారి ఫిఫ్టీ ఫిఫ్టీ ఛాన్స్ ఉంది ఇరు పార్టీల‌కు. ఇక బీజేపీ, కాంగ్రెస్ పార్టీలు పోటా పోటీగా స‌భ‌లు, స‌మావేశాలు నిర్వ‌హిస్తున్నాయి.
ఇందులో భాగంగా సీఎం బొమ్మై , మాజీ సీఎం సిద్ద‌రామ‌య్య(Siddaramaiah Bommai) బెళ‌గావి ఎయిర్ పోర్ట్ లో క‌లుసుకున్నారు. ఇద్ద‌రూ రాజ‌కీయాల‌ను మ‌రిచి కులాసాగా మాట్లాడుకున్నారు. ప్ర‌స్తుతం ఇద్ద‌రికి సంబంధించిన ఫోటోలు వైర‌ల్ గా మారాయి.
Also Read : బొమ్మై పాల‌న‌పై భ‌గ్గుమ‌న్న ఖ‌ర్గే