Uunchai Movie : సూర‌జ్ బ‌ర్జాత్యా ‘ఊంచై’ మూవీపై ఉత్కంఠ‌

Uunchai Movie : బాలీవుడ్ లో సూర‌జ్ బ‌ర్జాత్యా అంటేనే కుటుంబ సినిమాల‌కు పెట్టింది పేరు. బాలీవుడ్ లో సినీ దిగ్గ‌జంగా పేరొందిన బిగ్ బి అమితాబ్ బ‌చ్చ‌న్ త‌దుప‌రి కుటుంబ క‌థా చిత్రం ఊంచై(Uunchai Movie) ప్ర‌పంచ వ్యాప్తంగా న‌వంబ‌ర్ 11న విడుద‌ల కానుంది.

ఈ మేర‌కు మూవీ మేక‌ర్స్ సోమ‌వారం ఈ విష‌యాన్ని ప్ర‌క‌టించారు. ఆహ్లాద‌క‌ర‌మైన స‌న్నివేశాలు, ఆక‌ట్టుకునే లొకేష‌న్లు, మ‌న‌స్సుకు హ‌త్తుకునేలా మాట‌లు, పాట‌లు..ఇలా ప్ర‌తిదీ సినిమాను మ‌రింత రిచ్ గా తీయ‌డంలో సూర‌జ్ బ‌ర్జాత్యా త‌ర్వాతే ఎవ‌రైనా.

భార‌తీయ సినీ చ‌రిత్ర‌లో చెర‌ప‌లేని పేరుంది రాజ‌శ్రీ ప్రొడ‌క్ష‌న్స్ కి. ఈ సంద‌ర్భంగా స‌ద‌రు సంస్థ ఓ ఆస‌క్తిక‌ర‌మైన క్యాప్ష‌న్ జోడించింది. మా డైమండ్ జూబ్లీ సంవ‌త్స‌రంలో అతి పెద్ద ప్ర‌క‌ట‌న ఇది.

ఈ ఏడాది సినీ ప్రియులు, అభిమానుల‌కు పెద్ద పండ‌గ రాబోతోంది. అదే బిగ్ బీ న‌టించిన ఉంచై మూవీ అని వెల్ల‌డించింది. సూర‌జ్ ఆర్. బ‌ర్జాత్యా రూపొందించిన ఈ చిత్రం మునుపెన్న‌డూ చూడ‌ని రీతిలో దీనిని తెర‌కెక్కించారు.

ఈ మూవీలో అమితాబ్ బ‌చ్చ‌న్, అనుప‌మ్ ఖేర్ , బోమ‌న్ ఇరానీ, నీనా గుప్తా, ప‌రిణీతి చోప్రా, న‌ఫీసా అలీ సోధి, డానీ డెంజోంగ్సా క‌లిసి న‌టించారు.

మ‌హా వీర్ జైన్ ఫిల్మ్స్ , న‌టాషా మ‌ల్ఫాన్ స‌హ‌కారంతో రాజ‌శ్రీ ప్రొడ‌క్ష‌న్స్ నిర్మించింది ఈ చిత్రాన్ని. మూవీ మేక‌ర్స్ నేపాల్ లో అక్టోబ‌ర్ 2021లో ఉంచై షూటింగ్ ప్రారంభించారు.

ఏప్రిల్ 2022లో అనుప‌మ్ ఖేర్ త‌న ఇన్ స్టా గ్రామ్ లో చిత్రం పూర్త‌యిందంటూ పేర్కొన్నారు. స‌ల్మాన్ ఖాన్ , సోన‌మ్ క‌పూర్ , అనుప‌మ్ ఖేర్ ప్ర‌ధాన పాత్ర‌ల్లో న‌టించిన 2015 ఫ్యామిలీ డ్రామా ప్రేమ్ ర‌త‌న్ ధ‌న్ పాయో త‌ర్వాత సూర‌త్ ద‌ర్శ‌క‌త్వం వ‌హిస్తున్న చిత్రం ఉంచై.

Also Read : సోని లివ్ లో జ‌ర్న‌లిస్ట్ మ‌ర్డ‌ర్ పై వెబ్ సీరీస్