Gaddam Prasad Kumar : స్పీక‌ర్ గా గ‌డ్డం ప్ర‌సాద్ కుమార్
ప్ర‌క‌టించిన ఏఐసీసీ హైక‌మాండ్
Gaddam Prasad Kumar : హైద‌రాబాద్ – తెలంగాణ‌లో కాంగ్రెస్ ప్ర‌భుత్వం కొలువు తీర బోతోంది. సీఎంగా రేవంత్ రెడ్డి, డిప్యూటీ సీఎంగా మ‌ల్లు భ‌ట్టి విక్ర‌మార్క‌తో పాటు మ‌రో 10 మందితో మంత్రివ‌ర్గాన్ని ప్ర‌క‌టించింది. ఉమ్మ‌డి జిల్లాల ప్రాతిప‌దిక‌న అనుభ‌వాన్ని ప్రాతిప‌దిక‌గా చేసుకుని రేవంత్ రెడ్డి త‌న లిస్టును హై క‌మాండ్ కు అంద‌జేశారు.
Gaddam Prasad Kumar As A Telangana Speaker
సుదీర్ఘ చ‌ర్చ‌ల అనంత‌రం కేబినెట్ ను ఖ‌రారు చేశారు. ఇందులో కీల‌క‌మైన పాత్ర పోషించారు రాహుల్ గాంధీ. అన్నీ తానై వ్య‌వ‌హ‌రించారు ప్రియాంక గాంధీ. ప్ర‌మాణ స్వీకారోత్స‌వానికి వారితో క‌లిసి రేవంత్ రెడ్డి వాహ‌నంలో లాల్ బ‌హ‌దూర్ స్టేడియం వ‌ద్ద‌కు చేరుకున్నారు.
వేలాది మంది చేరుకున్నారు. తాజ్ హోట‌ల్ నుంచి నేరుగా, భారీ భ‌ద్ర‌త మ‌ధ్య చేరుకున్నారు. ఇక స్పీక‌ర్ ప‌ద‌విని దుద్దిళ్ల శ్రీ‌ధ‌ర్ బాబుకు ఇస్తార‌ని జోరుగా ప్ర‌చారం జ‌రిగింది. చివ‌ర‌కు వికార‌బాద్ జిల్లాకు చెందిన గ‌డ్డం ప్ర‌సాద్ కుమార్(Gaddam Prasad Kumar) కు ఆ ప‌ద‌వి వ‌రించింది.
గ‌తంలో ఆయ‌న మంత్రిగా ప‌ని చేసిన అనుభ‌వం ఉంది. తాజాగా ప్ర‌క‌టించిన కేబినెట్ లో అన్ని సామాజిక వ‌ర్గాల‌కు చోటు క‌ల్పించేందుకు ప్ర‌య‌త్నం చేసింది ఏఐసీసీ.
Also Read : Congress Cabinet : కాంగ్రెస్ మంత్రివ‌ర్గం ఇదే