Gaddam Prasad Kumar : గులాబీ నేత‌లు హుందాగా ఉండాలి

Gaddam Prasad Kumar : హైద‌రాబాద్ – తెలంగాణ రాష్ట్ర స్పీక‌ర్ గ‌డ్డం ప్ర‌సాద్ కుమార్ తీవ్ర ఆగ్ర‌హం వ్య‌క్తం చేశారు. ఎప్పుడూ ప్ర‌శాంతంగా ఉండే ఆయ‌న ఉన్న‌ట్టుండి కోపం తెచ్చుకున్నారు. స‌భ‌లో స‌భా నాయ‌కుడిగా ఉన్న సీఎం రేవంత్ రెడ్డి ప‌ట్ల వ్య‌క్తిగ‌త దూష‌ణ‌లు, ఆరోప‌ణ‌లు చేయ‌డం మంచి ప‌ద్ద‌తి కాద‌ని అన్నారు.

Gaddam Prasad Kumar Comments on BRS Candidates

డిప్యూటీ సీఎం భ‌ట్టి విక్ర‌మార్క శ్వేత ప‌త్రం విడుద‌ల చేశారు. ఈ సంద‌ర్బంగా జ‌రిగిన చ‌ర్చ‌లో మాజీ మంత్రి త‌న్నీరు హ‌రీశ్ రావు పాల్గొన్నారు. త‌మ‌పై లేనిపోని రీతిలో బుర‌ద చ‌ల్లే ప్ర‌య‌త్నం చేస్తున్నారంటూ మండిప‌డ్డారు.

ఇదే స‌మ‌యంలో రేవంత్ రెడ్డిని ఉద్దేశించి రూ. 50 కోట్ల‌కు పీసీసీ ప‌ద‌వి తెచ్చుకున్నాడంటూ ఆరోపించారు. దీనిపై తీవ్ర అభ్యంత‌రం వ్య‌క్తం చేశారు స్పీక‌ర్ గ‌డ్డం ప్ర‌సాద్ కుమార్(Gaddam Prasad Kumar). వెంట‌నే త‌న మాట‌ల‌ను ఉప సంహ‌రించు కోవాల‌ని సూచించారు. లేక‌పోతే చ‌ర్య‌లు తీసుకోవాల్సి వ‌స్తుంద‌ని హెచ్చ‌రించారు.

ఇదిలా ఉండ‌గా ఐటీ, ప‌రిశ్ర‌మ‌ల శాఖ మంత్రి దుద్దిళ్ల శ్రీ‌ధ‌ర్ బాబు జోక్యం చేసుకున్నారు. ఆయ‌న శాస‌న స‌భా వ్య‌వ‌హారాల‌ను కూడా చూస్తున్నారు. కొన్నేళ్ల పాటు ఎమ్మెల్యేగా , మంత్రిగా ప‌ని చేసిన త‌న్నీరు హ‌రీశ్ రావు సోయి లేకుండా మాట్లాడ‌టం దారుణ‌మ‌న్నారు.

Also Read : Komatireddy Venkat Reddy : హ‌రీశ్ కామెంట్స్ కోమ‌టిరెడ్డి ఫైర్