HD Kumara Swamy : జేడీఎస్ లో చేరనున్న కాంగ్రెస్ నేత‌లు

HD Kumara Swamy : క‌ర్ణాట‌క మాజీ సీఎం, జేడీఎస్ అగ్ర నేత హెచ్ డి కుమార స్వామి(HD Kumara Swamy) సంచ‌ల‌న ప్ర‌క‌ట‌న చేశారు. క‌ర్ణాట‌క‌లో వ‌చ్చే నెల మే 10న ఎన్నిక‌లు జ‌ర‌గున్నాయి. ఈ సంద‌ర్భంగా ఆయ‌న కీల‌క వ్యాఖ్య‌లు చేయ‌డం క‌ల‌క‌లం రేపింది. కాంగ్రెస్ పార్టీకి చెందిన ప్ర‌ముఖ నాయ‌కులు 15 మంది త‌న‌తో ట‌చ్ లో ఉన్నార‌ని త్వ‌ర‌లోనే వారు త‌మ పార్టీలో చేర‌బోతున్నారంటూ బాంబు పేల్చారు.

క‌ర్ణాట‌క ప్ర‌దేశ్ కాంగ్రెస్ క‌మిటీ చీఫ్ డీకే శివ‌కుమార్ క‌లల్లో విహ‌రిస్తున్నార‌ని ఆయ‌న‌కు అంత సీన్ లేద‌న్నారు. రాష్ట్రంలో హంగ్ రాబోతోంద‌ని తాము కీల‌కంగా మార‌బోతున్నామ‌ని స్ప‌ష్టం చేశారు మాజీ సీఎం కుమార స్వామి.

రాబోయే రోజుల్లో అధికారంలో ఉన్న భార‌తీయ జ‌న‌తా పార్టీ నుంచే కాకుండా ప్ర‌తిప‌క్షంలో ఉన్న కాంగ్రెస్ పార్టీ నుంచి కూడా వ‌ల‌స‌లు ఉంటాయ‌ని జోష్యం చెప్పారు. ఇందులో ఎలాంటి అనుమానం అక్క‌ర్లేద‌న్నారు మాజీ సీఎం(HD Kumara Swamy). జేడీఎస్ లో చేరనున్న నేత‌ల గురించి కూడా వివ‌రాలు వెల్ల‌డించారు బ‌హిరంగంగా.

చిత్ర‌దుర్గ మాజీ ఎమ్మెల్సీ ర‌ఘు ఆచార్ ఇప్ప‌టికే త‌న‌తో మాట్లాడార‌ని కుమార స్వామి చెప్పారు. తాను జేడీఎస్ లో చేరుతాన‌ని స్వ‌యంగా త‌న‌తో చెప్పార‌ని తాను కూడా ఓకే చెప్పాన‌ని స్ప‌ష్టం చేశారు. ప్ర‌స్తుతం రాష్ట్రంలో జేడీఎస్ గాలి వీస్తోంద‌న్నారు. తాము ప‌వ‌ర్ లోకి రావ‌డం ఖాయ‌మ‌న్నారు మాజీ సీఎం.

Also Read : బందీపూర్ టైగ‌ర్ రిజ‌ర్వ్ లో మోడీ సంద‌డి