N Chandrababu Naidu : నా వ‌ల్లే హైద‌రాబాద్ కు పేరొచ్చింది
టీడీపీ చీఫ్ నారా చంద్ర‌బాబు నాయుడు
N Chandrababu Naidu : తాను లేక పోతే హైద‌రాబాద్ అభివృద్ది చెంద‌క పోయి ఉండేద‌న్నారు టీడీపీ చీఫ్ నారా చంద్ర‌బాబు నాయుడు. ఆనాడు ముందు చూపుతో ఆలోచించ‌డం వ‌ల్ల‌నే ఇవాళ ప్ర‌పంచంలోనే ఐటీ, ఫార్మా, లాజిస్టిక్ రంగాల‌కు కేరాఫ్ గా మారింద‌న్నారు. ఒక‌వేళ తాను ముందు చూపుతో ఆలోచించ‌క పోయి ఉండి ఉంటే ఇవాళ దేశంలో న‌గ‌రం ఉండేది కాద‌ని పేర్కొన్నారు.
తాను వ‌య‌స్సులో పెద్ద వాడినైనా త‌న ఆలోచ‌న‌లు ఎప్పుడూ యువ‌కుల‌కు పోటీగా ఉంటాయ‌ని చెప్పారు నారా చంద్ర‌బాబు నాయుడు. ఏనాడూ కాసుల కోసం ప‌ని చేయ‌లేద‌న్నారు. కేవ‌లం తెలుగు జాతి ఆత్మ గౌర‌వం కోసం ప‌ని చేశాన‌ని స్ప‌ష్టం చేశారు. బుధ‌వారం ఖ‌మ్మంలో జ‌రిగిన బ‌హిరంగ స‌భ‌లో ఆయ‌న ప్ర‌సంగించారు.
తాను సీఎంగా ఉమ్మ‌డి ఏపీకి ఉన్న స‌మ‌యంలో ఐటీకి గుర్తింపు వ‌స్తుంద‌ని గ‌మ‌నించాన‌ని అన్నారు. ఇవాళ ఐటీలో ఇండియాలోనే హైద‌రాబాద్ నెంబ‌ర్ వ‌న్ గా ఉంద‌ని, అదంతా తాను చేసిన కృషి వ‌ల్ల‌నే వ‌చ్చింద‌ని చెప్పారు.
న‌గ‌రంలో హైటెక్ సిటీని కేవ‌లం 14 నెల‌లో నిర్మించ‌డం జ‌రిగింద‌ని, ఇదంతా నా ఘ‌న‌తేన‌ని పేర్కొన్నారు నారా చంద్ర‌బాబు నాయుడు(N Chandrababu Naidu) .
తాను కొట్లాడి ఇండియ‌న్ స్కూల్ ఆఫ్ బిజినెస్ (ఐఎస్బీ)ని తీసుకు వ‌చ్చాన‌ని తెలిపారు. అది ఇప్పుడు వ‌ర‌ల్డ్ లో టాప్ లెవ‌ల్లో ఒక‌టిగా ఉంద‌న్నారు. ఇది కూడా త‌న వ‌ల్లే సాధ్య‌మైంద‌ని స్ప‌ష్టం చేశారు మాజీ సీఎం. ఎన్టీఆర్ ఒక వ్య‌క్తి కాద‌ని ఆయ‌న ఓ శ‌క్తి అన్నారు. తెలంగాణ గ‌డ్డ‌పైనే తెలుగుదేశం పుట్టింద‌ని గుర్తు చేశారు.
Also Read : లాభాల బాట ప‌ట్టిన ఆర్టీసీ