JD Lakshmi Narayana Barrelakka : బర్రెల‌క్క‌కు గెలిచే ఛాన్స్

JD Lakshmi Narayana Barrelakka : విశాఖ‌ప‌ట్ట‌ణం – తెలుగు రాష్ట్రాల‌లో పెను సంచ‌ల‌నం సృష్టించిన కొల్లాపూర్ నియోజ‌క‌వ‌ర్గ ఇండిపెండెంట్ అభ్య‌ర్థి బ‌ర్రెల‌క్క‌పై ఆస‌క్తిక‌ర వ్యాఖ్య‌లు చేశారు సీబీఐ మాజీ జాయింట్ డైరెక్ట‌ర్ జేడీ ల‌క్ష్మీనారాయ‌ణ‌. బుధ‌వారం ఆయ‌న మీడియాతో మాట్లాడారు. ఆమె వ‌య‌సు చిన్న‌దే కావ‌చ్చు కానీ స‌మాజం ప‌ట్ల అపార‌మైన అవ‌గాహ‌న క‌లిగి ఉంద‌న్నారు. ఇది త‌న‌ను ఎంత‌గానో ఆశ్చ‌ర్యానికి గురి చేసింద‌ని తెలిపారు.

JD Lakshmi Narayana Barrelakka Support

ప్ర‌త్యేకించి చెప్పాల్సింది ఏమిటంటే యువ‌త‌లో ఇంత‌టి చైత‌న్యం రావ‌డం ఆహ్వానించ ద‌గ్గ‌ద‌న్నారు. ఇవాళ ఈ వ్య‌వ‌స్థ పూర్తిగా కుళ్లి పోయింది. స‌వాల‌క్ష అవ‌ల‌క్ష‌ణాల‌ను క‌లిగి ఉంది. దీనిని నిర్మూలించ‌డం, బాగు చేసేందుకు బ‌ర్రెల‌క్క కంక‌ణం క‌ట్టుకోవ‌డం అభినంద‌నీయ‌మ‌ని పేర్కొన్నారు.

తెలంగాణ‌లో ప్ర‌స్తుతం ఎన్నిక‌లు జ‌రుగుతున్నాయి. కేవ‌లం త‌ను అనుభ‌వించిన క‌ష్టాల‌ను ప్ర‌పంచానికి తెలియ చేసేందుకు ఆమె పోటీని ఒక మార్గంగా ఎంచుకుంద‌న్నారు జేడీ లక్ష్మీ నారాయ‌ణ‌(JD Lakshmi Narayana). ప‌రిస్థితిని బాగు చేసేందుకే బ‌ర్రెల‌క్క రాజ‌కీయాల‌ను ఎంచుకుంద‌ని ఇది ఆహ్వానించ దగిన ప‌రిణామ‌మ‌ని పేర్కొన్నారు .

శాస‌న స‌భ ఎన్నిక‌ల్లో కొల్లాపూర్ నుంచి త‌ప్ప‌కుండా గెలుస్తుంద‌న్న న‌మ్మ‌కం త‌న‌కు ఉంద‌న్నారు. ఒక‌వేళ గెల‌వ‌క పోయినా భ‌విష్య‌త్తులోనైనా ఆమె ప్ర‌జా ప్ర‌తినిధిగా విజేత‌గా నిలుస్తుంద‌న్న న‌మ్మకాన్ని వ్య‌క్తం చేశారు.

Also Read : Smitha Sabharwal : స్మితా స‌భ‌ర్వాల్ కు కీల‌క బాధ్య‌త‌లు