JP Nadda Jayasudha : కండువా క‌ప్పిన జేపీ న‌డ్డా
జ‌య‌సుధ‌కు పార్టీ తీర్థం
JP Nadda Jayasudha : స‌హ‌జ న‌టిగా పేరు పొందిన జ‌య‌సుధ ఢిల్లీలో భార‌తీయ జ‌న‌తా పార్టీ తీర్థం పుచ్చుకున్నారు. ఆమె తెలుగు, త‌మిళం, మ‌ల‌యాళం , హిందీ సినిమాల‌లో న‌టించారు. ఆమెకు ఫ్యాన్ ఫాలోయింగ్ ఎక్కువ‌గా ఉంది. ఇప్ప‌టి వ‌ర‌కు ఎలాంటి వివాదాల జోలికి వెళ్ల‌ని న‌టిగా గుర్తింపు పొందారు. త‌ల్లి పాత్ర‌ల్లో పేరు తెచ్చుకున్నారు.
JP Nadda Jayasudha Joining
ఆమెకు ఇద్ద‌రు కుమారులు ఉన్నారు. 2009 నుంచి 2014 దాకా సికింద్రాబాద్ ఎమ్మెల్యేగా ఉన్నారు. ట్ర‌స్టును కూడా ఏర్పాటు చేశారు. ఆమెను బీజేపీలోకి ఆహ్వానించారు పార్టీ పెద్ద‌లు. అనంత‌రం జ‌య‌సుధ రాష్ట్ర పార్టీ చీఫ్ , కేంద్ర మంత్రి కిష‌న్ రెడ్డి(Kishan Reddy)తో పాటు పార్టీ జాతీయ ఉపాధ్య‌క్షురాలు డీకే అరుణ‌తో క‌లిసి బీజేపీ జాతీయ అధ్య‌క్షుడు జేపీ న‌డ్డా నివాసానికి వెళ్లారు. ఆయ‌న‌తో ముచ్చ‌టించారు.
స‌హ‌జ‌న‌టిని సాద‌రంగా పార్టీలోకి ఆహ్వానించారు. ఈ సంద‌ర్బంగా కాషాయ కండువా జ‌య‌సుధ మెడ‌లో వేశారు. ఆమె రాక‌తో పార్టీకి మ‌రింత బ‌లం చేకూరిన‌ట్ల‌వుతుందని పేర్కొన్నారు పార్టీ చీఫ్. మ‌రికొంద‌రు కూడా పార్టీలో చేరేందుకు సిద్దంగా ఉన్నార‌ని తెలిపారు డీకే అరుణ. ఇప్ప‌టికే సినీ రంగానికి చెందిన ప‌లువురు బీజేపీలో చేరుతున్నారు. మోదీ విధానాలు న‌చ్చి తాను బీజేపీలోకి వ‌చ్చాన‌ని చెప్పారు జ‌య‌సుధ.
Also Read : Pothina Mahesh : జ‌గ‌న్ అండ్ టీంపై వెబ్ సీరీస్