Kangana Ranaut : శ్రీ‌వారి స‌న్నిధిలో కంగ‌నా ర‌నౌత్
చిత్రం స‌క్సెస్ కావాల‌ని కోరుకున్నా
Kangana Ranaut : బాలీవుడ్ లో వివాదాస్ప‌ద న‌టిగా పేరొందిన కంగ‌నా ర‌నౌత్ సోమ‌వారం కుటుంబీకుల‌తో క‌లిసి తిరుమ‌ల శ్రీవారిని ద‌ర్శించుకున్నారు. ఆమెకు ఆల‌య నిర్వాహ‌కులు సాద‌ర స్వాగ‌తం ప‌లికారు.
ఆమె శ్రీ‌వారితో పాటు అలివేలుమంగమ్మ‌ను ద‌ర్శించుకుని మొక్కులు తీర్చుకున్నారు. అనంత‌రం ఆల‌య అర్చ‌కులు కంగ‌నా ర‌నౌత్(Kangana Ranaut) ను ఆశీర్వ‌దించి తీర్థ ప్ర‌సాదాలు అందించారు.
ఆల‌య ఇఈ ధ‌ర్మారెడ్డి శ్రీ వేంక‌టేశ్వ‌ర స్వామి వారి చిత్ర ప‌టాన్ని కంగ‌నా ర‌నౌత్ కు అంద‌జేశారు. తాను న‌టించిన ధాక‌డ్ మూవీ ఈనెల 20న విడుద‌ల కానుంది.
ఈ సంద‌ర్భంగా ఈ చిత్రం ఘ‌న విజ‌యాన్ని సాధించాల‌ని, చిత్ర యూనిట్ కు మంచి పేరు తీసుకు రావాల‌ని స్వామి, అమ్మ వార్ల‌ను కోరుకున్నాన‌ని ఈ సంద‌ర్భంగా కంగ‌నా ర‌నౌత్(Kangana Ranaut) తెలిపారు.
ఇదిలా ఉండ‌గా ఈ ధాక‌డ్ స్పై యాక్ష‌న్ థ్రిల్ల‌ర్ గా తెర‌కెక్కించారు ద‌ర్శ‌కుడు. ర‌జ‌నీష్ ఘ‌య్ నేతృత్వంలో తీసిన ఈ మూవీపై భారీ అంచ‌నాలు పెట్టుకుంది కంగ‌నా ర‌నౌత్.
ఇందులో ర‌నౌత్ ఏజెంట్ అగ్ని పాత్ర‌లో న‌టించింది. ఇటీవ‌ల విడుద‌ల చేసిన ధాక‌డ్ చిత్రం ట్రైల‌ర్ కు భారీ స్పంద‌న ల‌భించింది. దీంతో మంచి జోష్ మీదుంది కంగ‌నా(Kangana Ranaut) .
మాన‌వ అక్ర‌మ ర‌వాణా ఏ విధంగా జ‌రుగుతోంద‌నే దానిపై ధాక‌డ్ తీశారు డైరెక్ట‌ర్. ప్ర‌తి నాయ‌కుడి పాత్ర‌లో అర్జున్ రాంపాల్ చేస్తే దివ్య ద‌త్తా మ‌రో కీల‌క పాత్ర‌లో న‌టించింది.
ఈనెల 20 త‌ర్వాత కానీ ధాక‌డ్ అల‌రిస్తుందా లేక బోర్లా ప‌డుతుందా వేచి చూడాల్సిందే.
Also Read : బుద్దుడి జీవితం ఆద‌ర్శ ప్రాయం