Kasani Jnaneshwar : కారెక్క‌నున్న కాసాని

Kasani Jnaneshwar : హైద‌రాబాద్ – తెలంగాణ‌లో టీడీపీ జెండా ఎగుర వేయాల‌ని అనుకున్న ఆ పార్టీ తెలంగాణ చీఫ్ కాసాని జ్ఞానేశ్వ‌ర్ ముదిరాజ్ ఆశ‌ల‌పై నీళ్లు చ‌ల్లారు మాజీ సీఎం , తెలుగుదేశం పార్టీ జాతీయ అధ్య‌క్షుడు నారా చంద్ర‌బాబు , ప్ర‌ధాన కార్య‌ద‌ర్శి నారా లోకేష్.

Kasani Jnaneshwar May be Join in BRS

త‌న‌ను తెలంగాణ టీడీపీకి చీఫ్ గా ఏర్పాటు చేశాక కాసాని చాలా క‌ష్ట‌ప‌డ్డారు. పార్టీకి పూర్వ వైభవం తీసుకు వ‌చ్చేందుకు నానా తంటాలు ప‌డ్డారు. ఈసారి జ‌రుగుతున్న శాస‌న‌స‌భ ఎన్నిక‌ల్లో పోటీ చేసేందుకు అభ్య‌ర్థుల‌ను కూడా త‌యారు చేశారు. ఈ మేర‌కు వారిని కార్యోన్ముఖుల‌ను చేసినా ఉన్న‌ట్టుండి ప్ర‌స్తుత ప‌రిస్థితుల దృష్ట్యా టీడీపీ పోటీ చేయ‌బోవ‌డం లేదంటూ ప్ర‌క‌టించారు చంద్ర‌బాబు .

దీంతో కాసాని జ్ఞానేశ్వ‌ర్(Kasani Jnaneshwar) నిప్పులు చెరిగారు. త‌న‌ను న‌మ్మించి మోసం చేశారంటూ ఆరోపించారు. క‌నీసం 20 సార్ల‌కు పైగా లోకేష్ కు ఫోన్ చేసినా ఎత్త లేద‌ని ధ్వ‌జ‌మెత్తారు. ఎవ‌రి ప్ర‌యోజ‌నాల కోసం తెలంగాణ టీడీపీని తాక‌ట్టు పెట్టారంటూ ప్ర‌శ్నించారు కాసాని జ్ఞానేశ్వ‌ర్ ముదిరాజ్.

దీంతో తీవ్ర ఆగ్ర‌హం వ్య‌క్తం చేసిన ఆయ‌న‌ను బీఆర్ఎస్ పార్టీకి చెందిన సీనియ‌ర్ నేత‌లు త‌మ పార్టీలో చేరాల‌ని ఆహ్వానించారు. కాసాని మ‌న‌సు మార్చుకున్నారు. త‌న‌కు ఎంపీ సీట్ కేటాయిస్తామ‌ని హామీ ఇవ్వ‌డంతో కారు ఎక్కేందుకు నిర్ణ‌యం తీసుకున్నారు. మొత్తంగా తెలంగాణ‌లో ఆయా రాం గాయా రామ్ అన్న‌ట్టుగా త‌యారైంది నేత‌ల ప‌రిస్థితి.

Also Read : CM Siddaramaiah : నేనే సీఎం నేనే సుప్రీం