KTR : మీ రుణం తీర్చుకోలేను – కేటీఆర్
జ‌నం కేసీఆర్ ను వ‌దులుకోరు
KTR : సిరిసిల్ల – బీఆర్ఎస్ వ‌ర్కింగ్ ప్రెసిడెంట్ , మాజీ ఐటీ, పుర‌పాలిక శాఖ మంత్రి కేటీఆర్ ఆస‌క్తిక‌ర వ్యాఖ్య‌లు చేశారు. తాజాగా జ‌రిగిన శాస‌న స‌భ ఎన్నిక‌ల్లో సిరిసిల్ల శాస‌న స‌భ నియోజ‌క‌వ‌ర్గం నుంచి గెలుపొందారు కేటీఆర్. ఈ సంద‌ర్బంగా ప్ర‌జ‌ల‌తో ముచ్చ‌టించారు. వారి అభిప్రాయాల‌ను ప‌రిగ‌ణ‌లోకి తీసుకున్నారు.
KTR Emotional Comments
తెలంగాణకు ఏకైక గొంతుక కేసీఆర్, బీఆర్ఎస్ అని స్ప‌ష్టం చేశారు. ఈ రెండింటిని ప్ర‌జ‌లు ఎప్ప‌టికీ వదులుకోర‌ని స్ప‌ష్టం చేశారు కేటీఆర్. పార్టీకి చెందిన ముఖ్య నాయ‌కులు, కార్య‌క‌ర్త‌లకు ధ‌న్య‌వాదాలు తెలిపారు. త‌న ప‌ట్ల న‌మ్మ‌కాన్ని ఉంచి త‌న‌ను గెలిపించినందుకు , ప్ర‌జ‌ల గొంతును వినిపించేందుకు గెలిపించార‌ని పేర్కొన్నారు.
ఈ క‌ష్ట కాలంలో త‌న‌ను 30 వేల మెజారిటీతో గెలిపించిన సిరిసిల్ల ప్ర‌జ‌ల‌ను , నియోజ‌క‌వ‌ర్గాన్ని తాను ఎన్న‌డూ మ‌రిచి పోలేన‌ని స్ప‌ష్టం చేశారు కేటీఆర్(KTR). ఎన్నిక‌లు అన్నాక గెలుపు ఓట‌ములు స‌హ‌జ‌మ‌న్నారు. నిరాశ ప‌డాల్సిన అవ‌స‌రం లేద‌ని పేర్కొన్నారు.
బీఆర్ఎస్ పార్టీ పుట్టిందే పోరాటాల నుంచి, పోరాటాలు మనకేం కొత్త కాద‌ని అన్నారు కేటీఆర్. ప్ర‌తిప‌క్షంగా తాము జ‌నం గొంతుక‌ను వినిపిస్తామ‌ని చెప్పారు కేటీఆర్.
Also Read : Naseeruuddin Shah : మోదీ స‌ర్కార్ పై న‌సీరుద్దీన్ షా ఫైర్