Leo First Look : విజ‌య్ లియో ఫ‌స్ట్ లుక్ కిర్రాక్
త‌ళ‌ప‌తి 49వ పుట్టిన రోజు విడుద‌ల
Leo First Look : త‌మిళ సినీ ప్ర‌పంచంలో మోస్ట్ పాపుల‌ర్ హీరోగా పేరు పొందిన త‌ళ‌ప‌తి విజ‌య్ 49వ పుట్టిన రోజు. ఈ సంద‌ర్భంగా ద‌ర్శ‌కుడు లోకేష్ క‌న‌క‌రాజ్ ద‌ర్శ‌క‌త్వంలో న‌టించిన లియో సినిమాకు సంబంధించి ఫ‌స్ట్ లుక్(Leo First Look) ను బుధ‌వారం మూవీ మేక‌ర్స్ రిలీజ్ చేశారు. ప్ర‌స్తుతం సోష‌ల్ మీడియాలో ట్రెండింగ్ లో కొన‌సాగుతోంది. విడుద‌లైన కొన్ని క్ష‌ణాల్లోనే ఫ‌స్ట్ లుక్ వైర‌ల్ గా మారింది. ఇప్ప‌టికే లెక్క‌కు మించిన అభిమానుల‌ను క‌లిగి ఉన్న త‌ళ‌ప‌తి విజ‌య్ త‌న విశ్వ రూపాన్ని ప్ర‌ద‌ర్శించారు లియోలో. ఇందుకు సంబంధించిన యానిమేష‌న్ వీడియో కూడా ఇప్పుడు హ‌ల్ చ‌ల్ చేస్తోంది.
ప్ర‌స్తుతం లియో సినిమాకు సంబంధించి చిత్రీక‌ర‌ణ దాదాపు పూర్తి కావ‌చ్చింద‌ని స‌మాచారం. ఇప్ప‌టికే విజ‌య్ బ‌ర్త్ డే రోజు చిత్రానికి సంబంధించి అప్ డేట్ ఇస్తామ‌ని ప్ర‌క‌టించారు ద‌ర్శ‌కుడు లోకేష్ క‌న‌క‌రాజ్. ఇదిలా ఉండ‌గా త‌ళ‌ప‌తి విజ‌య్ త‌న కెరీర్ లో ఇప్ప‌టి వ‌ర‌కు 61 సినిమాలు చేశాడు. ఇది 62వ సినిమా. కాగా లోకేష్ క‌న‌క‌రాజ్ తో త‌ళ‌ప‌తికి ఇది రెండ‌వ సినిమా కావ‌డం విశేషం. ఇంత‌కు ముందు మాస్ట‌ర్ మూవీ తీశాడు. అది బ్లాక్ బ‌స్ట‌ర్ గా నిలిచింది. మ‌రో వైపు ద‌క్షిణాది సినీ ఇండ‌స్ట్రీలో అత్య‌ధిక పారితోష‌కాన్ని విజ‌య్ తీసుకున్నాడ‌ని టాక్.
తాజాగా విడుద‌ల చేసిన లియో ఫ‌స్ట్ లుక్ పోస్ట‌ర్ లో క్యాప్ష‌న్ కూడా ఆక‌ట్టుకునేలా ఉంది. పేరు లేని న‌దుల ప్ర‌పంచంలో , ప్ర‌శాంత‌మైన వాల్ట‌ర్ లు దైవిక దేవుళ్లు లేదా భయంక‌ర‌మైన రాక్ష‌సులు అవుతారు అని.
Also Read : CM Siddaramaiah President : ప్రెసిడెంట్ ను క‌లిసిన సీఎం