Maaveeran Movie : మావీర‌న్ కు భారీ ఓపెనింగ్స్

Maaveeran Movie : డైరెక్ట‌ర్ శంక‌ర్ కూతురు అదితి శంక‌ర్ , శివ కార్తికేయ‌న్ క‌లిసి న‌టించిన మావీర‌న్ చిత్రం విడుద‌లై బాక్సులు బ‌ద్ద‌లు కొడుతోంది. తొలి రోజే రూ. 7.61 కోట్లు కొల్ల‌గొట్టింది. ఈ ఏడాది బాక్సీఫీసు వ‌ద్ద తునివు రూ. 24.59 కోట్లు వ‌సూలు చేస్తే , మ‌ణిర‌త్నం తీసిన పొన్నియ‌న్ సెల్వ‌న్ చిత్రం రూ. 21.37 కోట్లు , వరిసు రూ. 19.42 కోట్లు త‌ర్వాత అత్య‌ధిక వ‌సూళ్ల‌ను చేసిన చిత్రంగా నిలిచింది మావీర‌న్ చిత్రం.

2021లో వ‌చ్చిన మండేలా సినిమాకు మ‌డోన్ అశ్విన్ ద‌ర్శ‌క‌త్వం వ‌హించారు. ఇదే డైరెక్ట‌ర్ ప్ర‌స్తుతం మావీర‌న్(Maaveeran) తీశాడు. శివ కార్తికేయ‌న్ , ఆదితి శంక‌ర్ తో పాటు మిస్కిన్ , యోగి బాబు, సునీల్ , స‌రిత‌, మోనిషా బ్లెస్సీ స‌హాయ‌క పాత్ర‌ల్లో న‌టించారు.

ఇదిలా ఉండ‌గా మావీర‌న్ చిత్రాన్ని వ‌చ్చే నెల ఆగ‌స్టు 11న విడుద‌ల చేయాల‌ని మూవీ మేక‌ర్స్ డిసైడ్ చేశారు. సూప‌ర్ స్టార్ ర‌జ‌నీకాంత్ న‌టించిన జైల‌ర్ అదే రోజు రిలీజ్ కు ఉండ‌డంతో మావీర‌న్ ను జూలై 14న విడుద‌ల చేశారు. తొలి రోజే భారీ ఓపెనింగ్స్ రావ‌డంతో మూవీ మేక‌ర్స్ ఫుల్ ఖుషీగా ఉన్నారు.

మావీర‌న్ చిత్రానికి సంబంధించి మూవీ మేక‌ర్స్ విడుద‌ల చేసిన పోస్ట‌ర్స్ , టీజ‌ర్ , సాంగ్స్ కు భారీ ఆద‌ర‌ణ ల‌భించింది. చివ‌ర‌కు డైరెక్ట‌ర్ టేకింగ్, మేకింగ్ లో డిఫరెంట్ గా ప్ర‌జెంట్ చేయ‌డంతో మావీర‌న్ ఆద‌ర‌ణ చూర‌గొంటోంది.

Also Read : Gudivada Amarnath : ఒక‌రిద్ద‌రు వెళ్లి పోతే ఏమీ కాదు