Madhu Yashki Goud : మ‌ధు యాష్కి వినూత్న ప్ర‌చారం

Madhu Yashki Goud : హైద‌రాబాద్ – తెలంగాణ‌లో ఎన్నిక‌ల తేదీ ద‌గ్గ‌ర ప‌డుతోంది. పెద్ద ఎత్తున ప్ర‌చారం చేస్తున్నారు కాంగ్రెస్ పార్టీకి చెందిన అభ్య‌ర్థులు. ఇందులో భాగంగా టీపీసీసీ ప్ర‌చార క‌మిటీ చైర్మ‌న్ , ఎల్బీ న‌గ‌ర్ పార్టీ అభ్య‌ర్థి, మాజీ ఎంపీ మ‌ధు యాష్కి గౌడ్(Madhu Yashki Goud) వినూత్న ప్ర‌చారానికి శ్రీ‌కారం చుట్టారు.

Madhu Yashki Goud in Metro

మెట్రో చాట్ విత్ పేరుతో ప్ర‌జ‌ల్లో క‌లిసేందుకు ప్ర‌య‌త్నం చేస్తున్నారు. మెట్రో ట్రైన్ లో తాను ప్ర‌యాణం చేస్తూ ప్ర‌యాణీకుల‌తో ముచ్చ‌టించారు. త‌న‌కు ఓటు వేయాల‌ని కోరుతున్నారు. త‌న‌ను గెలిపిస్తే క‌చ్చితంగా మంత్రిని అవుతాన‌ని, మీరు అడిగిన స‌మ‌స్య‌ల‌ను ప‌రిష్క‌రిస్తాన‌ని స్ప‌ష్టం చేశారు మ‌ధు యాష్కి గౌడ్.

119 నియోజ‌క‌వ‌ర్గాల‌లో క‌నీసం త‌మ పార్టీకి 90 సీట్లు త‌ప్ప‌కుండా వ‌స్తాయ‌ని ధీమా వ్య‌క్తం చేశారు. ఇందులో ఎలాంటి అనుమానం అక్క‌ర్లేద‌న్నారు. తాము ఇచ్చిన ఆరు గ్యారెంటీల‌ను ప‌క్కాగా అమ‌లు చేస్తామ‌న్నారు. అంతే కాకుండా తమ పార్టీ తీసుకు వ‌చ్చిన మేనిఫెస్టోను అధికారంలో ఉన్న బీఆర్ఎస్ కాపీ కొట్టింద‌ని ఆరోపించారు మ‌ధు యాష్కి గౌడ్.

సంక్షేమ ప‌థ‌కాల పేరుతో ప్ర‌జ‌ల‌ను మోసం చేసిన బీఆర్ఎస్ ప్ర‌భుత్వానికి కాలం చెల్లింద‌న్నారు. ఈసారి ప‌క్కాగా కాంగ్రెస్ ప‌వ‌ర్ లోకి వ‌స్తుంద‌న్నారు.

Also Read : Congress Win : కారు పంక్చ‌ర్ హ‌స్తం హ‌వా